Fakselna 1st June, 2019

0
31
views

LO DAWN VE TEH : ATM-ah helmet khum luh loh tur tih a lo intar a, mahse hautu tur an awm lo….khum lut ta tho. Veng chhungah veivak tam tak, a bikin inkhawm kal tur ngei ngeite pawhin duty an awm loh avangin helmet kan khum lo hlauh thung. Tlan phal lohna hmunah nise duty an awm loh chuan tlan tlang hram. Bawlhlawh nise mi hmuh lo laiin mi huan leh kawrah te kan paih leh ta hram a. Keini Kristian ramah hian duty awm loh vanga dan kan pawisa lo zel a nih chuan hmuh theih loh PATHIAN thu hi zawm a va har dawn em! Kan hnatlan nikhuaah lah hian a langsar lai bak kan ti \ha peih si lo, lang lo tura thuhruk reng a awm lo tih a lo awm lehzel nen ka lo ti ve mai mai \hin.
Puipuia pu

7085847820

Tuna intlan chhawkah hian two wheeler an ding ve tho si a, a hma pawh khan eng vangin nge two wheeler taxi hi an intlan chhawk ve loh? Intlan chhawk ve tawh rawh se. A nih loh chuan two wheeler pangngai ho hi intlan chhawk ve kher lo se, a \hen tlan tir a, a \hen tlan tir loh hi a \hena ruah sur tir a, a \hena ni sat tir a ni mai lo’m ni?

9615445637

Kan Zoram pawh changkang chho ve zelin faina lamah pawh kan \hang chho ve zel a. Zofate zingah Sanitary Health Inspector zir chhuak te pawh an awm ve ta, heng ho hi State dangah chuan an hmang \angkai viau mai. Kan sorkar hian Damdawi in te, Department lian hote leh institution-ah te hian chhawr \angkai nachang hre ve sela, faina leh thianghlimnaah hian kan State hi hmahruaitu kan ni thei ngei ang. Sorkar hmangchang hria erawh nih a ngai thung.
Naupangchhia

9774107349

Kum engemaw kaltaah khan Central YMA hian khawhar hlaa intihsiak buatsaih se tih hi ka lo duhthusam tawhin Central YMA chanchinbu enkawltuteah pawh sms hmangin ka lo rawt ve tawh a, tunah Pu B. Daniala hriatrengna atana intihsiak buatsaih a ni hi a lawmawm rualin duh thu a sam lo ka tia. Pathianin Mizote a bika min pek kan khawhar hla \ha leh hlu tak tak sak thiam loh leh sak ngai loha awm ta mai mai hi a uihawm lutuk a, sak lar leh thiam bel a nih leh theih nan zaithiam lama inel lovin sak lar loh leh thiam lohte zing ami ngei a\angin a tam thei ang ber zir nise, hla thiam tam tamin lawmman la ta zawk se tih ka lo duhthusam ve tawp a ni.

9089667399

Fakselnaa ka thu thawn ni 31/5/19 zana Bethesda Hospital counter duty Nurse ka tih kha Ebenezar Hospital Counter Nurse duty tih zawk tur a ni. Space hmet hian hawrawp a lo inthlak palh a ni e. Ngaihdam ka dil nghal e.

9862322234

Hunbi tuka thil kan ti dawn a nih chuan sawimawi chawp ngai lo hram se a lawmawm ngawt ang. Minister tan lek phei chuan. Mipui hi min zah rawh se. Mipui avanga MLA hial ni thei anni tih hi theihnghilh lo se a lawmawm ngawt ang.
Carolini pu

9862216410

Tui semtute hi an vilna bial sawn kual reng a va \ha ve. Pawisa pe ve thei loten kan quota pawh kan hmu thei tawh hleinem mawle. MNF sorkar thar hian hma han la teh u khai.
ANTI CORRUPTION MAN

9612657396

ZPM a lo pian khan sorkar danglam tak, mipui sorkar kan nei dawn e tiin politics-a mi beidawngte kan phur tlang. Kohhran huang chhungah pawh sawi a inthlahrunawm loh. ZPM \antu nih kha kan zak lo. Tun inthlana Congress an hruaitu lawk pui puite nen lama mipuiin an hnawl chiah mai chu kan thawk ho dawn an han ti chiah mai chu e sorkar danglam beisei tur a awm bik hauh lo tiin a hmaa lo vote tu mi \hahnem tak chuan an vote zui ta lo. An bial him chu MLA bye election-ah a chim ta a ni. Hemi kai tho \haa mipuia ZPM-a rinna nghat thar leh tur chuan a hautak tawh hle ang le.
RK Sanga

9862366590

ZPM leh Congress inzawm hi an sawi chhe chawk a, party ruihchilh lova, kan ram leh hnam sakhuana a him zawk na na, candidate in\awm an nia, a chhe zawnga sawi tum tlat an LA awm hi a mak ka ti. CAB hi kan duh lova, hei vanga \ang dun mai zawk a ni. Hnam chhan hnatlang kan neih nachhan kha kan la hria em? Tunah hian CAB hi pass lo ni ta se MNF vote tute hi a phun nasa leh a duh lo nasa anni leh tho lo’ng maw?A nih leh tuna AR Lammual chungchangah pawh CM ve meuh si chuan an theih hun leh an chhuahna tura thil tih ngai hmasa pawh ngaihtuah hmasa lova a hun an sawi tawp mai leh a tiam hun chhunga an chhuah leh theih tak loh avanga sorkar hmasa an puhmawh leh tlat bawk si te hi a va han mak ve le. A \awng chak ang hian hna hi thawk chak sela, midang mawhpuh tur ringawt zawng hian a buai palh a nge. Tun ang zela an kal chuan anni pawh hi mipui ngainat an hlawh lo tawlh tawlh ang a, inthlan lehah chuan vote pawh an chakawm loh ngawt ang. Tin, khawpui apiangah mifing leh mi \ha apiangin vote an hmu sang tih hi tun MP thlan result-ah khan a hriat. Aizawl leh Lungleiah phei chuan Tetea kha a tlin chian em kha maw. Party ruihchilh leh suma thlem lungawi theih mi a tamna te leh chakma tamna apiangah MNF an tla na a ni mai. A chhan chu an pute hetiang mi hi an ni tlat a, an in pu tu tawk viau e. Hmabak erawh Zoram mipuite tan a la thim dawn chauh.
Thlirvela

8257802679

Two wheeler taxi hi intlan chhawk ve rawh se, a nih loh chuan tlan tir vek rawh se.

9862006627