Fakselna 20th May, 2019

0
53
views

“MNF sorkarin zirtirtu lak an tum.” “Congress party-in a theih chen chena dodal an tum” tih thu vel hi a \hing ka ti. Congress sorkar laia dan lova hna an pek zat zawhna kha an chhanna nen chhui kir ve leh se, Computer Instructor leh RMSA-a thawk pawisa awm loh chhuanlama an bantir takte khan hna an thawh ve leh hun hi an thlir ve reng tih hre teh se. Hlawh pe thei turin zirtirtu an rawih theih dawn chuan an tih theih loh titheitu an ni dawna lawmpui viau zawk rawh se. Congress party hi hetiang lama an kal nat poh leh an party hmathlir hi a thim zual zel thei tihte pawh hre tel ve mai mai se a \ha awm e.
LT Ralte

9862007651

Mizo zingah zu in kan tam hle a, sap zu \ha nia Congress sorkarin an zawrh lah chu Kohhranin a do avangin zawrh zawm theih a ni ta si lo. Tunah a awm chhun te lah a man a to em em hlawm si.

Sap zu a van takah chuan tualchhuak zu, permit tel lova zawrh a rawn inlar a, a ruk tea siam leh zawrh a nih avangin a thawh hmana, damdawi an pawlh nasa em em a, hei hi hriselna atan a pawi lutuk dawn. Zu in mite kan thi phawk phawk mai dawn niin a lang. Zu chhia leh \ha pawh thliar lova in pawp pawp mai kan tam si. Hui ha…
The Drink Man

9862672589

Kan Engineer ho hian kawng khuar hnawh mam hi an thiam lo a ni ang, a phai deuh duk zel mai.
Lalrinfela

8014168221

Congress member ka ni a, inthlan dawn khan MNF vote la nuai thum i dawng ang an ti a, party-a in leh kher a ngai lo, kan hria che a, a tawk an ti a, ka vote ta a, nuai thum chu ka lo nghak e.
VL Ruata

8257065411

Zing dar 9-a sikul \an chu a ni zaih mai. Kan pi leh pute khan thil awm leh awm lo chu an lo hre phian a ni. |ha lo an tih te, \ha an tih te pawh kha a lo dik zel mai zuk nia.
Dindini pu

8974244232

Kan CM berin kan ram sik leh sa dinhmun a chiang a, thlai engpawh \hat theihna tiin a sawi a, ei leh bara intodelh turin ngaihtuahna her rem hret chauh a \ul tiin a sawi. Hei tak hi mipuiin kan nghah a ni. CM ei leh bara min intodelh tir thei hi kan mamawh ngawih ngawih a ni a, hetia \awngkam maia sawi liam, a tak hmuh tur awm lo a nih vaih chuan mipuiin tun bak hi kan CM tir tawhin ka ring lo. A sawi ang a hlen thei a nih chuan min la ho hram hram teh tiin mipuiin kan ngen ang.
RK Sanga

9862366590

Joseph Lalhimpuia’n, MNF sorkarin zirtirtu lak thar a tum hi dan kalh a ni tiin khin hial a tum ni khan kan lo hria a. An hunlaiin zirna lam hi an ngaihtuah lo mai ni lovin an sorkar tawh loh hnu paw’n khawihchhiat an la rawn tum zel mai chu a ni a, MNF hun reilote an sorkara kawng siam\hat leh thil dang tam takah hna an han thawk a, “Kan sum hman bana an thawh” an han ti lehzel mai phei hi chu kum 10 chhung an sorkar lai khan kawngchhia takngial pawh an siam hlei thei lo kha a ni si a, an sum lu chu khawiah nge an hman \hin tak ang le? Buichhia laih lohin an inpuang vel mai mai niin a lang.
Tlabung Uitangrual

9862014844

MNF lal rualin \am hruai pangang vaimim eichhetu a rawn lal ve nghala, ngaih a \ha chiah lo e.
ZNG Chhakchhuak

9774709214

Kan khaw kar kawng Hotel leh Restaurant te thianghlimna zirtir hi tu mawhphurhna nge aw? Ei hnu chhung lo hian a man pek tawh chu paih zel mai se, duh leh ren deuh mai se. Thianghlimna lam ngaihtuah chuan ka ei duh mang ta lo, thianghlim tak, ei hnu chhung lo hi awm se zin kawng chaw ei hi chu nuam ka ti reng, a \am loh pawn ei hrim hrim duh mi ka ni.
The Democrat

9436153688