Fakselna 21st February, 2019

0
72
views

Tukin Vanglaini chanchinbu chhuakah khan kan CM, Pu Zoramthanga khan, “Engkim \hat duhna ram Pathianin min pe” tiin a rawn sawi a, a sawi dik kher mai. Kan Pi leh Pu a\anga thudik awmsa a ni. Chutih rual erawh chuan, a enkawl a, tharchhuak a, mipuite hmasawnna tak tak thlen tur erawh chuan angaihna an hre leh mawlh si lo a nih hi maw! An sorkar hun chhung rei tawh teh lul nen hian Purun, Alu bag khat tak ngial pawh minla thawnchhuahpui thei lo zawng a nih hi. State \henawm te thawh chhuah ringin kan la rak pawr ve viau mai si a, zahthlak tak a ni. Kan ram hruaitute hian ‘KA’ chauha sawilo hian ‘THILTIH’ hmang ngei hian hma la tawh zawk teh u. Mau ringawt buaipui lo hian.

Vaphai Pa

98623 57839

Aizawl khawpui Traffic jam chhan tam tak hi chu a leina (pawisa) nei nazawngin lirthei kan lei vang a ni a. Road sign te, Traffic rules te hre lovin kan khalh sup sup a, kan buai phah zo niin ka hria.

Chuvangin Traffic Police lam hian zirtir deuh se, a nih loh pawhin khauh deuh se, traffic dan te hi an zir ang a, an ngai pawimawh mai ang.

97743 54495

State Day lawm inkhawmnaah chuan NDA politician ho chuan seat ruak tam tawk hmaah thu an sawi rei phian.

ZPM Pavalai

96121 26503

Zonet hi Kawnpui lam hian fiahfel fai takin kan va en har tawh ve aw. A rang en reng mai chu a ninawm zozai tawh bawk a lawm le. Min ngaihthah kan ti dawn nge, men a min thlak vel mai mai niin ka hria. Bill in hmu a, a ran leh ran loh lam pawh in ngaihtuah lo. Bill in hmuh chuan in duhtawk a nih hi. Ngaihtuah ran chi. Kan en hleitheih lohna a rei tawh khawp mai.
MARAMI, KAWNPUI

70852 10279

MNF sorkar hi sawisel hmanhmawh lo ila, kum khat tal vei phawt rawh se. Amaherawh chu an campaign hlapui, chhungkaw tina nuaithum sem tih kha chu a ri chhunzawm ta lo hle a, kawng chhawng pawh a ri a zawi tial tial a, an sawi ngai loh Mau chu a ri a ring phian. Kum khat vei hnuah sawisel a \ul chuan kan sel tliar tliar dawn nia.
RK Sanga

9862366590

Pu Zonet rem i tih chuan kan sel ve lawk aw. Tu’n ka \awng lo haw lo se, monthly fee chawi ve tho si keini Kolasib-ah hian dangawk \awng pawh tluk lo a tang a tam em em mai a, siam dan te a awm ve lo maw?
Ipman, KLB

8729961732

Kan sorkar chuan zu khap ngei a tum dawn a, mimal zu zuar (local zu zuar) ho hi khap a, zu tihrem ngei ni se tih hi mi zawng zawng duhdan a ni. Chumi atan chuan zu zuar luite hremna pawh hi na takin dan siam bawk rawhse.

VL Ruata

Zu zawrh kan duh loh vangin inthlan dawnin Kohhran a au a, ZPM a pian phah a, zu zawrh duh lo MNF kan thlang tling a, hei hi kan \awng\ai chhanna a ni ta a. Zu hi khauh takin khap se, ruihhlo dang zawng zawng pawh a awm lohna turin dan khauh tak siam ni sela, Kristian ram dik tak ni turin kan ram hi i siam ang u.
Lalrinfela

8257065411

Cable service chhe reng mai kan pawt a, beng a va ngawng thei em! Zonet news service hi eng nge a an le?
LLK

9436141804

Mizoram Presbyterian Kohhran leh Mizoram Baptist Kohhran chuan Kristian Hlabu, Tonic Solfa Edition, all rights to reserved, hla 600 awmna chu an tichhuak a. Hla reng reng hi a pianpui thluka sak hi a mawiin thinlung a hneh ber \hin. Tunlai chu zaithiam \henkhatin Kristian Hla Bu chhunga hlate hi an duh ang anga a thluk an ti kikawi vak hi ngaihthlak hrehawm tak a ni. He hla bu buatsaihtu Kohhran te hian an khawmpui linaah he hla bu chhunga hla leh \henkhat humhalhna tur kaihhruaina hi chhuah thei se a lawmawm hle ang.
Vena Pu

8787499535

A pu Ramte, hman nia MNF MLA ho leh Hnam Run hote nena in hmathlir in sawi khawm kha \ha ka tiin thla tin neih ziah atan a \ha ka va ti ve. Hnam Run leh MLA te inkar \ha lo tur te thil awm thei a ni a, inpawh taka sawi fo hi mifing leh hotu thiam tihdan a nia. Thil hriat sual palh te pawh awm thei a ni, kan dai buak loh nan tizel rawh u.
Dampa Uitang

8974244232

Zoram zim teah hian Kohhran (pawl) tam tak a ding tawh a, chutih rualin veng/khua hian Kohhran a lo nei a ni maw? Pathian din kan inti \heuh si a, min dintu Pathian Kohhran pawh kan ni ngam ta lo a nih hi. Entirnan, nizan Fakselna a rawn ziak ‘Mission Veng Kohhran’ han tih ang te kha. Presbyterian Kohhran chauh hi em ni Mizoramah Kohhran awm? I harh teh ang u.
Fela Pa, KK

8118904367