Fakselna 23rd October, 2017

0
891
views

Champhai Zotlanga YMA General Conference hman zawh takah khan ka kal ve a, ka phone ka hloh palh hlauh mai a, ka thlauhna hmun ni awma ka rinnaah rilru buai taka ka awm mek laiin phone chhar a nih thu leh a model nen sawia lam theih a nih thu, information office a\anga an puan ka hria a, ka va lam a, ka phone ngei chu a lo ni a, ka va lawm tak em! Kan tunlai khawvelah thil ho te te a\anga thil hlu tak thlengin bo a tam em em a, hmana bo tawh tun thlenga hmuh let leh loh lah a tam, kan sual tawh a, Mizo tlawmngaihna leh aia upa zahna te, kan Mizo nun a tluchhia nia kan hriat mek lai hian hetiang mi fel, thil chhara a neitu hnena pek let leh duhna rilru pu an lo awm hi an va han fakawm em! A va Mizo em! Hetiang thil in tawn changa mite tana malsawmna ni zel turin he FAKSELNA kaltlang hian lawmthu sawi pahin duhsakna ka hlan a che u.
9615459963
—————

Mizoram sorkar hnuaia thawk, Muster Roll-te hi Price index a\anga Minimum Wages a hlawh siamsak ngawt lo deuh hian, Pay Structure mumal siamsak a hlawh \ha zawk pek an va phu ve aw! Works Department te phei chu Muster Roll (Field Staff) tel lo chuan hnathawh theih a ni lo. Thuneituten ngaihsak hram teh se.
Lb-a Pa
———-

|angrual pawl hian an office \heuh titawpin office khata an kal hma chuan an lungrual lo tih a lang a, office hrang hrang a\anga an beih chuan tuma rin an kai dawn lo. Office khata lawi pawh inlungrual a har em hi. Mahni party rilru \heuh pu chunga \angrual tih chu awih a harsa. Office khatah lawi sela, veng tinah unit khatin awm sela, block khatah insiam vek pawh ni sela chak tur chuan kawng a la hla lutuk. Tuna \angrual inti te hi PC leh ZNP inzawm an ni ringawt a, hmanah pawh an \ang dun tawha, engmah an nih loh kha. Tunah pawh a ngai tho an la ni e.
ROVA
———–

Kan ramah mipui sorkar siam tum ZPM-a lo ding ta a, tihchhiat tum Lal Heroda an lo piang mek bawk a, mipui sorkar Zoram kai tho tu tur hi hmelma pain dan tum mah se an dang chuang lovang. ZPM \ang zel rawh u.
8974805771
——————

Chakmate hi kan ruh kawl lian ber chu an ni a, chu lovah kan boundary zawng zawngte humhalha kan vil reng a ngai. Mahni ram pawh veng zo lo, Mizo hnam pawh humhalh a hnekin, a vuak zawkte kan la ni hi thil pawi tak a ni. A manganthlak teh zawng a nih hi. Ram leh hnam hmangaihtu ni lo chu hruaitu tlak an ni lova, ram hruaitu ni tur tan chuan ram leh hnam hmangaihtu an ni tur a ni. Chumi chhungah chuan thil tam tak tih tur a awm a, chung thilte chu an bawhzui nghal tur a ni ang. Lehlam lehlama kan awr kan tihsena, kan tihdumin eng nge sawt ang? Mahni mawng hlim mai kan ni tih hi i hre mawlh teh ang u.
9612238063
———–

Ram leh hnam tan lu chhum ban chhum huama Martar tam takten mual an liam tawh hnua ram tan chaw vawi khat pawh la nghei lo leh hmun hrehawmah pawh la kal ngai loten inthlan dawn apianga ram leh an vei thar thut leh mite thiam taka sawisel a, inthlan zawha reh leh thut, thu hnu thu hma dawn lova, tute emaw inralrinna dar khawn rik sak ang leka, a tak hmuh tur awm leh si lova thawm ti lian vak ringawt kan awm \hin hi a pawi hle mai. Ngaihtuahna fim tak Zofaten kan hman thiam a va \ul em. Ram leh hnam himna kulhpui ber chu LUNGRUALNA a ni si a.
Tlabung Uitangrual
———-

Party dang ho kha kum 2018 election-ah hian sorkar siam inring vak suh u. Pu Hawla hi in chelh leh lo mai thei a nia. 7th pay kuminah sorkar hnathawk a pek leh hmel si a, sorkar hnathawk ho a tihlawm chuan a huphurhawm leh viau mai lovang maw! Thlirtua
9862614029
———-

Kan ram, kan hnam leh khawtlang chuan engtin nge hma a sawn tehreng ang ni! Party sorkar lo din tawhnaah reng reng ram leh hnam khawtlangin a tuar \hin a ni. Kristian ram pawh lo inti tehreng mah ila, engti kawng mahin hma kan sawn ngai dawn lo. Tunah ngei pawh hleih nei ranin kan Politician-ten min hruai mek a ni lo’m ni? Kan ram Politics-in a hri vei reh hlei thei lo chu sorkar hna lakah te, Contract hna semah te, Development sum semah te, Party mi leh sa leh chhungkhat laina duhsakna, mawi leh mawi lo pawh dawn zo lo khawpa induhsakna uchuak hi a reh hlei thei lo a nih hi. Hei hian kan ram Politics a tibawlhhlawh tak zet zet a ni lo’m ni? Engatinge hre reng si, i la um vuat vuat mai le? A hnu lawka ila phun ila phun lehna tur a ni tih hriat a hun ta. Mipui, pawl lian leh pawlte, Kohhran hrang hrang, chhungkua leh mimal zawng zawngte fin a hun tawh, hawh u i \angrual ang u.
MS Chhakchuak, Citizen Aizawl
———

AMC chuan property tax an khawn leh dawn ta a, an Receipt-ah hian an khawn period hi ziak lang ngei turin Local Council te hriattir sela a \ha khawp ang.
Aizawl pa
———

Pathian thu hmanga Politics khelh mek, Zaichhawna Hlondo hian thlan lal ni ta se Pathian thu angin a kal thei tak tak ang em?
8257065411
——————-

Lal Thanhawla’n eptuten corruption-ah sawiselna tur min hre lova, kan sawrkar leh dawn a ti ngam hi chu Mizo mipui hetiang em ema mawl leh thil hre rei lo lutuk, Chakma ang leka min ngai hi a \awngvai nasa hle mai. Mizo inti ve tan chuan a zahthlak khawp mai. Hawh u, Zofa leng zawngte hian kan puanvente sawi chhingin, raltiang ram thlir chungin nakkum 2018 inthlanpuiah chuan sirah i hnawl tawm tawk tawh ang u.
Neutral group, Aizawl
————-