Fakselna (23rd August, 2017)

0
415
views

New Market step chho-a mitdel kutdawh, tlangval pakhatin a zaisak avanga hlawhtling ta em em khan ngaihtuahna a tithui hle mai. |awng thu chhe lovah, khawpui lun laia kutdawh awm hi a mualphothlak a, Kristian ram kan inti chamchi a, tunge mualpho? Sorkar, NGO leh Kohhran aia mualpho an awm thei dawn em ni? Aizawl khawpui bikah pawh veng 80 chuang a awm a, Kohhran 3/4 a awm vek bawk. Veng hrang hranga kutdawh (a bikin mitdel) tanpui nan Kohhrante hian Pathian ram thawhlawm ip-ah hian chanhai pual tih emaw telh belh sela, thla tin chhungkaw khat tana Rs. 7,000/-, Rs.8,000/- theh chhuah chu a harsa miah lo vang. Kan ram Kohhran hi kan par vul chuk a, lamlianah leh daiah te mi chanhai kan pel fua fua lawi thin si.
LB-a Pa
———-

Vanglaini chanchinbu ni 23/8/2017 chhuaka, Pu PL Liandinga hriat loh kha Zoram mipui hriat loh a ni a, hre turin tan han la teh se. Mipuiin kan hre ve chak a nia.
9774354495
—————

Ka rilrua ka vei ve em em ka’n sawi lawk ang e. Zin mi leh motor neite beidawnna ber nia lang chu kan ram chhim leh hmar, chhak leh thlang kawng tha hmuh tur leh tlan nuam awm lo hi a nih ka ring a, dik pawh a dik hle a ni. Chutih ruala ka vei ve em em mai chu Sesawng leh Khawruhlian inkar kawng mam nuam ve tak, kawngkam chhak lam leh thlang lam hnim lutuk khi a ni. Kawng mam nuam tak khi chetsual palh nana hman theih a ni tlat. Kawng a hnim em avang khian thui tak hmuh theih a ni lova, kawng kual leh kawi hmuh tlang theih tura sam fai dan khi a awm thei mial lo maw? Thuneitu leh a ngaihna hre mi tan chuan en liam chi a ni lo deuhin ka hria.
8575359967
————-

Electric Deptt. atangin in tina lehkha an rawn sem dah khah dan tur hre lo kan awm takin. 1. Name of the Applicant/Organization- Consumer hming. 2. Service connection no. – Hei hi a awm loh avangin nil emaw, blank tawpa dah mai tur. 3. Consumer no. – bill body-a consumer no. kha ziah tur. 4. (a) Address of promises to which electricity is being supplied-consumer address entir nan:-Vengthlang. (b) Telephone no.- Consumer mi puitling/chhungkhat pa or nu phone no. 5. (a) Existing connected load (in KW) – bill body-a mi ang kha. (b) New connected load request (in KW) – Consumer-in tuna ina a hman lai plug point 15A (1000w), 5A (100), fan (60w), holder (60w), tubelight (40w) khang ho watt belhkhawm kha KW-a chantira dah tur (a)-na nen hian a inanga dah a pawi lo. 6. (a) Existing contracted load (in KW) – Consumer ina electric hmang chi bungrua zawng zawng watt belhkhawm KW-a chantir. Entir nan:- Lalmawia chuan electric hmang chi TV (300w), Fridge (500w), istiri (500w), bulb (15w), washing machine (300w), geyser (2000w), heater (2000w), rice cooker (2000w) etc a belhkhawmin 7615w 1000-a kan sem chuan 7.615kw hi dah tur. (b) New contracted load requested (in kw) – hei hi chu 6 (a) nen khian a danglam lem lo, a in ang pawn dah mah ila a pawi lem lo thei ang. Contracted load chu consumer-in a ina electric hmang chi bungrua a neih zawng zawng watt belhkhawm kha a ni mai a, a pawimawhna chu fixed charge chhûtna atan a ni.
8415850741
—————-

Hetianga sorkar lai kan sawisel vak vak mai hi han in enlet ve teh se. An sorkar lai khan enge maw an nih vak bik le? Kawng chhiatzia te kha, hetiang mi sawisel ching hi chu vote tlak an ni dawn emaw ni le? Sawisel suh, sawisela i awm loh nan tih a nih kha.
Marama, KLB
—————–

Tuna pawl pathum tangho lo chhuak tur chu ka nghakhlel hle mai. Party pahnih inlal chhawkna atang ringawt hi chuan kan ram, kan hnam, kan sakhua a him bawk si lo. Kut hnathawktute thawhrimnain awmzia a nei bawk si lo. Chuvangin heng party pahnihte hi Zoram hian a mamawh tawh lo tak zet zet a ni e.
RD-a pa
———–

BJP Mizoram Pradesh President, Pu JV Hluna pawhin kawr nghawng chip a ha ve ta nge nge. |awng lo pawhin i nihna chu i chetziaah a lang an lo ti thin reng a. Pu Hawla leh a Minister-te leh a MLA-te pawhin kawr nghawng chip hi an nei vek a ni awm e. Kawr nghawng chip hi tuten nge ha thin kan tih chuan TV en thinte leh Vai ho, Hindu ho official function en thinte chuan kan hre mai awm e. Mite incheina kan sawisel a ni lova, a nihna kan sawi mai a ni e. Keini ho chuan kawr nghawng chip hi chu i ha lo hram teh ang u ka’n ti a ni e.
Seling khaw pa ngat
—————–

Pu ZONET, lawmthu ka sawi duh a ni. Keini mimawl leh engmah tih leh sawi theih nei ve lote, ram vei ve si, kan ngaihdan au chhuahpuina tur hmun nei ve lote tana FAKSELNA buatsaih hi chu Mizo mipui zahve dawn hi chuan kan tangkaipui phak hialin ka ring a ni. Ka lawm takzet a ni. Mi dik lohna ngawr ngawr va hai chhuah mualphosak tum kan ni lo va, ram leh hnam tana inpea inhmang anga lang ve ruau ruau si, dawt muhlum ringawt maia Mizo mipuite zah lo tak maia min bawl ching, mi thil ti thei tak dinhmuna ding lawi si te hi au chhuahsak an ngai thin miau si a. Politician, Kohhran, NGO, mimal etc. kan vei zawng engkim hi thlawp bik leh tan loh bik nei hauh lova kan puan chhuah ve theihna awm chhun i ni e. Tun ai hian hmasawn zel turin ka duhsak takzet a che. Heng mi te berte hi an auchhuah loh chhuan lungte tal a au chhuak ang tih ziak ringtute kan ni si a. Kan lawm e.
Bawiha pu
—————–

Mizote hian politics kan luhchilhna hi kum 60 chuang fe a lo ni ta a, khami chhung zawng zawnga kan ram leh kan hnam tana kan hnathawh dan zawng zawngte kha tunah hian mahni party theuhin inchhui let theuh ngam ila, party kan ruih chilhna avang leh nihna leh lalna kan ruih chilhna avanga kan rama ram dang miten min zuam tak mainaah hian tun hun tlai tawh takah hian pawl ngawl kan veina hi i harh chhuak hram tawh ang u khai. Mizo leh Mizo kan inchaltauh bur bur lai hian kan ram hi Chakma te hian an la hêk huam mai dawn e. Thudik leh dawt hian Central-ah hian min hek reng bawk si a, Zofate i harh chhuak thuai thuai ang u.
Tlabung aw
————–

Dr. BD Chakma chuan banna a thehlut ngam a nih kha. Hnam dang ho chuan an hnam an humhalhzia chu khatiang lekah pawh banna a thehlut ngam a nia. Keini Mizo hian mi 2/3 avangin kan hna kan chan ngam ve ang em? Ka ring lo. Mahni pumpui hma chiah kan ngai hlawm tawh si a. Mizoramah hian Pathian thu hian hmun a chang tawh lo, Pathian thinurna chu kan tawng baw mek tawh a nih hi. Tumah reng tha leh fel kan awm lo a nih ber hi.
No. Thup
———–