Fakselna 24th November 2017

0
486
views

Kan MNF unaute hi chu rin an har tawh. An MIP lah hi hlamchhiahin an pam\ul \hak mai. Tuna an SEDP pawh hi rin a har khawp mai. Engmah a ni leh chuang lo ang tih chu hriat sa a ni. Mautam \anpuina tur Central sawrkarin min pek lah hian mipui hnen a thleng lo chiang. MNF chuan ram neitu rilru a pu thlawt lo. Engatinge aw, Pathian leh kan ram tan tih changchawi ngat he party hian Zoram mipui min bum ziah le.?

Lalbeiseia
————

Chief Minister, Pu Lal Thanhawla in, Kolkata-a mi hi Zoram mipuite hian kan ngaihven vut lem lo. Media-te hian mipui hi min puh mai mai zawk a ni. Pu Hawla hi thlahtute a\anga hausa pangngai sa an ni zawk. MLA/Chief Minister hlawh zawng zawng hi ei leh barah hmang lovin a khawl char char thei. Kum 30 chuang a hlawh hi belh khawm pawhin a tam tham viau ang. Loan te pawh a la ve nual bawk ang chu mawle. Tuna opposition-te pawh hi kum 10 lek an sorkar chhung khan an hausak em hi. Loan an la ve thote pawh a ni mahna. Kan ramah hi chuan kan officer te ber a\anga lian berte hi an hlawh phu lovin an hausa zawk daih. Officer rau rauah Engineer te phei chu hausa tak an ni.
LB-a Pa
———-

Kan sorkar hnuaia hnathawk CSS a\anga hlawh la, thla 5 chuang hlawh la lova siamtu chu kan hrawn mek sorkar hi a ni a, NLUP atan chuan a sem thei. Kan vanduai a nih hi. A tuartute kan va na tlawk tlawk tak em ve le!!
RK Sanga
————

Kolkata-a CM in hmun in han bih chiang chu a pui rem rem hle mai. Khatiang in kha chu kan ram, Mizoramah ngei pawh hian keini ang chuan engtikah mah kan nei awm si lova, khami ram lei nan khan Zoram mipui pawisa, sawrkara chhiah kan pek pawh kha a tel ve ngeiin ka ring. Cheng khat pawh eiru lotu hian khawi pawisa nge a neih bik ang le? Zoram mipui zatve velin NLUP cheng nuai khat pawh tling lo kan dawn lai khan kan pu ber chuan cheng tam tak man ram dangah in a lo nei daih si. Zoram mipui kan harh a hun tawh viau a ni.
Sylvia-i pa
————-

Kolkata-a kan CM in kan hmuha rilrua lo lang hmasa ber chu mi duham deuh lo ni se, a thlawna pek a ni si a, Pu Rama te, Pu Duha tan te lo hauh ve se. Khatiang khawpui lun laiah khan han in\henawm ta se, Mizo chu min va tihming\ha dawn ve aw te ka lo ti mai mai mai a. Mite angin han duham se han eiru duh ve se kha aia ropui khan a sa thei mai tur te ka lo ti ve a. Pathian nungin mal a sawm a niang chu maw!!!!.
Ruatdiki pu
————–

Sawrkar hnathawk ho pawh hi an va duham sawt ta ve, an thil phut pawh hi han hlawhtling teh reng pawh ni se mi rethei tan khawsak ngaihna a awm dawn lova, thil man a sang dawn lutuk. Mahni ringawt inngaihtuah hlawm mai. Mizoramah hian kan Lalpa hian lalna leh thuneihna a chang tawh lo a nih hi, duham hlawm lutuk. Van lam ngaihtuah sela a \ha ang.
No. thup
———–

Mizoram sorkar hnathawkten 7th pay hman ve phut nan ni hnih chhung hna an thawk lo a nih kha. Ni hnih chhung an hlawh tling khawm kha tam tak a nih a rinawm a, an hnathawh loh chhung hlawh kha la lo ngam law law sela a \ha ka ti. Thawh loh hlawh an la a nih chuan mipui hriatin a langin an eiru tihna a ni ang. Kan ram retheih tehlul nen, kan budget chanve aia tam sorkar hnathawk hlawh atan an hmang ral tawh a ni a, kan sum leh pai dinhmunin a zir hunah chuan 7th pay pawh an la lak ngei a rinawm. Anmahni chauh inngaihtuah lovin mipuite hi min ngaihtuah ve sela a va \ha em.
Sanga, Thenzawl
—————-

Mizo-te hi engti kawng kawng emaw chuan kan changkang ve tawh phian. Lehlam han hawi thui deuh erawh chuan hnam hnaisai lo leh zahpuiawm tak kan ni ang lawi si. Politician suakpak deuh hlir ram roreltu leh officer lian, mahni awmna Kohhran-a inti thusa tak tak leh UPA te ni ve kawkalh tlat, EIRUKNA tih thumal leh awmzia hre lo lui ngam ngat te hmatheha hmang duh zel hnam kan niin a lang. Mi naran, hlemhle ve lem lote tan a zahthlak a, a thinurthlak hle bawk. Engpawh mai hi kan basa ngam viau zel ringawt a, hlawhtling khawpin a eng amah kan tei rei peih leh hlek si lo.
8414883986
—————

LAI & MARA te chu kan hming a\ang hian Lusei (Mizo) kan ni ve reng reng lo min tiin Politician leh sorkar hna pawimawh thawk kan lo nih ve tawhnate chuan awmzia reng an nei lo. Delhi dawr a bang dawn si lo. Heng ADC 3 te hian LMC House/HOME an neih ve thuai a ngai. IDENTITY CRISIS tih tawpna turin.
9774373679
————-

ZONET hi hnam ziarang pho chhuahna a tam a, \ha kan ti a, Fakselna a la awm leh zel phei hi chu Zofate tana thil \ha, hei tluk a awm tawh dawn em ni tih hiala mawi a ni. Myanmar, Manipur leh hmun danga kan Zohnahthlak unaute kawmna kan lo hmu \hin te hi a ropui hle mai. Chutih rualin, Bangladesh Lushai hills ni \hin, Chittagong hill state ni ta, tuna Chakmate home land an tih, kan Zohnahthlak hmun lo ram pass te pawh tihdanglam theih loha Geneva-a dah \hat saka la awm te, Takam ni lo, Mizo ngei kawmna zu ne thei se tih Fakselna kaltlangin thurawn ka’n siam ve a ni e.
Hnam Arsi hruaitu, ZORAM SAKEI
—————

7th pay beisei avanga sorkar hnathawk nuar, hnathawk duh lote hi zah nachang hre teh se. A thiamna leh taimakna pawhin a phu hlawl lo. Mahni eizawnna hnaa rinawm si lo, hlawh san ringawt phuta election dawn denchhena sorkar nawr vak chingte hi sorkar hian dim lo teh se. Mi duham tak an ni a, Pu Hawl, tlin loh hlauh avanga nakin lawka kan tuarna tur leh phurrit tur hi tihhlawhtlin mai chi a ni lo. Heng ho hian mi rethei leh kut hnathawkte ngaihtuahna an nei lo, mahni hmasial an ni a, kut hnathawk leh retheite ngaihtuah a \ha zawk. Heng ho avang hian Congress sorkar hi a tla dawn chuang lo a, a sorkar leh ngei ngei dawn. Pathian duhzawng programme NLUP/NEDP kalpuitu a ni a, malsawmna an dawng ngei dawn a ni. Hei aia \ha rethei dawmkanna a la awm tlat lo. Party dangin sawisel mahse a fuh em mai. Kristian-te chu thil \ha ti atana siam kan ni si a, Pu Hawla hi sawisel bo a ni lo. Mahse, Pathian lam\ang programme kalpuitu a ni tlat.
Lawngtlai pa
—————-

Zu avanga pasal ch^n an tam si a, kan sorkar hian a hnathawkte fanau enkawlpui tur pasal neih lehte hi phal se ka ti. Hmeithai kan tam em mai.
9612131627
—————-

Dt. 23/11/2017 zana, 7th pay chungchang rawn sawitute khan in nihna in rawn puang mai a ni e. Thawk ve la, a duham ber pawl i nih a rinawm. Sorkar hnathawk hlawh a tam leh Mizoramah pawisa a tam tih hi Bazara \hu ho hian an hre chiang khawp. I sawi zawng khan i nihna a lang e.
Ramveitua
————–

Gas distributor-te chungah hian Mizoram sorkar hian action hi a la ve thei lo em ni? Keini Lawngtlai area-a gas connection neite hian kum l-ah vawi 3 emaw te kan refill ve a, thla tin bur khat la thei kan ni a, kan gas distributor hnen a\angin black-a lei tur chu a awm reng bawk si a, gas agent dangte hi sorkar hian min pek belh thei sela kan ziaawm ve ngeiin ka ring a ni. Tun dinhmunah chuan an vawk lal len mai a nih hi.
No. thup
———–

Sorkar hnathawk regular/confirm te hian an hnuaia MR te Contract basic-a thawkte hi chhawr dan thiam lehzual rawh se. Mihring hian dikna chanvo kan nei vek, mimal dikna chanvo thlenga inrahbeh sak pawh dan kalha chetna tho a nih avangin i fimkhur tawh ang u. Pathian duh dan pawh a ni lo hrim hrim tih i hria ang u, a Kristian loh thlak riau lo maw?
Ruattea
———

Zemabawk hi Aizawl hmar lam kawt chhuah a ni a, kan sorkar hian kawng hi ngaihsak \ha rawh se. Tin, Berawtlang kal kawng pawh hi hei ai hian ti \ha tawh rawh se. Ram dang mite hmuhah a zahthlak em mai.
Zemabawk pate
————