Fakselna 29th December, 2017

0
1052
views

Mizote hi hlim ni hmang thiam lo, ruih theih thil nena awm nuai \hin, pa huaisena hmingthang mang si lo, sualpui neih phet tum \hinte kha khaw tin veng tinah kan awm hlawm kha a ni a. Khatiang hun kha a ral ta viau mai. Zu rui chunga lansarh tum phet ho hunte pawh a tawp chho zel e. |hangthar mi felho hian ram hi an ti nuam zel dawn ta niin a lang, a vanneihthlak e. Kum thar lamah chuan hunpuia YMA, JAC te duty a ngaih tawh loh theih a beiseiawm e.
RK Sanga
————-

Tunlai zaithiam ho TV-a Pathian fakna hla sa \hin tam zawkte hi chuan an thinlunga Pathian an fakna aiin keini mihringte laka lan mak an tum zawk niin a lang a, Pathian fakna khawvelah mawipui emaw, makpui emaw an tum a ang ka ti. Kan fak tur hi i zah ang u.
DUHTUIA
————-

Krismas muanawm taka min hmantirtu Pathian chu fakin awm rawh se. Chutih rualin accident hrang hrang avanga nunna chante leh hliam/natna tuarte Lalpan awmpuiin thlamuan rawh se.
Malsawma pa
—————-

Nakkum 2018 chu mahni party tih vel dah \hain Mizoram tana \ha tur i thlang ang aw. Mahni bial \heuhah pitar/putar nge \ha, \halai?
8974323615
————

Mizote hian hun bik nei hla chi hrang hrang kan nei \ha hle a, heng hun bik nei hlate hi a hun loh lai chuan ho riauin a lang \hin. Krismas hla pawh October thla chho a\angin a inhmehin a ngaihnawm \an a, December 31 a thlen chinah chuan a ngaihnawm dan a nep tawh \hin. December thla chhung bikah chuan Krismas hla hi hla rau raua ngaihnawm ber a ni. Duh aiin ngaihthlak tur a tlemin ZONET phei chuan krismas lam hawi lo programme in ngah mah mah. Kum dangah chuan boruak dang tlem zawk tawh se. Krismas nia C. Sanga tribute concert pek daihte kha a inhmeh hlawl lo. Khatiang kha chu hun dang a tam lutuk. Piancham lawmnaa khawhar hla sak ang a ni. Kum dangah chuan channel remchang ang angah krismas mil programme tih chhuah ni tawh se a lawmawm ngawtin ka ring.
Puipuii pi
————

MNF chuan ‘zu zawrh khap’ an tiam piap mai. Lei lawk \euh mai ang aw. Wine Shop khar ringawt chu awl te, zu khap tak tak chu a theih loh. An party ngei pawhin an khap theih loh, Excise sum hlohna ringawt, zu lang lova zawrh, Assam ramin hlawkna an rut leh \euh \euh dawn a ni mai.
No.thup
———-