Fakselna 30th January 2018

0
1442
views

Vawiinah Transport Dept. Workers Association-in Gen. Assembly an neih avangin Fee leh Tax engmah a pek theih loh thu leh mipuite hriat thiamna an ngen thu, thuchhuah an siam a. Hetiang hi sorkar deptt. hrang hrang hian an intihhmuh khawp mai a, ka’n sawisel ve duh a ni. Thingtlang leh hmun hla tak tak, Aizawl chhung a\ang pawhin mahni hna \hulhin kan kal a, Office hnathawh ni-a sorkar hna pawh ni lo, an pawl welfare avanga office khar hi tuman sorkar mitmei hi zuk veng miah tawh lova mawle. Hei hi ka ngen duh, an biak \hin Pathian nung mitmei tal hi lo veng tawh teh se. Mahni hnathawk control ngam sorkar kan mamawh e.
Democrat
————-

Pu Lalbiakzuala, Sihphir khua 207 pickup Driver, CM special Guard-ten an sawisak thuah damdawi In awmna man leh a inenkawlna turin Mizoram sawrkarin Rs.50,000/- an pe tih ka lo hriatin beitham ka lo ti a, Damdawi Ina inenkawlna thu hran, Pu Lalbiakzuala damdawi In awm chhung leh in lama a nupui leh fate lo ei tur hi sawrkar hian Pu Lalbiakzuala sawisatute Special Guard ho thla hnih hlawh hi cut-in pe rawh se. Tin, Pu Lalbiakzuala an sawisakah hian Mizoram sawrkar hian sawisa turin special guard hi thu an pe em ni? Eng vangin nge Mizoram pawisa hi an hman ka ngaihtuahna a kal thui hle. A sawisatute hlawh hi cut-a pek mai awm tak, ngaihtuah a thui duh hle mai.
8974901219
————–

Mizoramah hian inthahna rapthlak tak tak a thleng fo ta mai. Puhmawh tur zawng ila puh tur a tam ang. A pawimawh ber chu sorkarin dan leh thupek khauh takin lek sela, kohhran pawh pawl buaia buai mai mai lovin an mi leh sate, thu tak leh dik kawnga kaihhruaiah \an la zual mawlh rawh se.
RK Sanga
————-

Zu hi a zuartu sorkar hian titawp teh se, Mizo mipui min suat hnem ta, a thite thisen mawh an phur zo tawh dawn em ni? Inthlan leh hi chuan Pathian \ih mi, zu zawrh duh ve ngai lo, kan ram \hatna tura thawk tak tak mite chauh i thlang tawh ang u. NLUP tih vel mai mai hian min dawi a tawh suh se, kan Pathian englai pawha phuba la thei reng hi i hlau zawk ang u.
Zuala, Mizoram veitu
————

ZONET Zing Daifim hi mipa hian puang tawh lul suh se, hriat a har lutuk. Tukina a puang pawh a hriat hleih theih loh.
9436351249
———-

Pick-up Driver, Lalbiakzuala leh Police-te chungchang damdawia inenkawlna pe a, ngaidam an dil chuan an thiam lo, an dik lo tihna a ni. Thil tidik lo, misualte hremna dan hi an chungah lek a ni dawn em? Zoram mipuiin kan thlir e.
LAL-A, THINGTLANGPA
————–

Kan ram media-te hian Serkhan to Bagha kawng a zim, motor tan inpelh leh tlan pelh theih mai loh tih chungchangte hi a thlalak/video nen te hian a nihna dik takte hi min hriattir thei lo em ni le? An duh/tum chuan inchim hnuaia mihring tang reng te, Kolkata-a thil dik lo nia an hriat thleng thlengin min hmuhtirin min entir thei tho bawk si a. Social Media-ah tu emaw hian \an lam nei deuhin a post a, a dik leh dik lo chu kan hre hlawm deuh nualin ka ring. Chuvang chuan kan media chak takte hian han tichiang thei ula a va \ha dawn em. Tunlai social media-a sawi hlawh leh sawi tam ber a ni bawk si a.
Mazotea, Aizawl
———–

Mi retheiten BÛKNA kan keng leh dawn? VOTE hmangin sorkar tur kan BÛK leh dawn che u a ni a, Zoram hmangaihtute u, khawnge in awm tâk? Election-ah chauh ni lovin a taka hmangaihtu kan va ngai êm.
Roger
————-

Smart City din dan chungchanga AMC Councillor pahnih, USA a zuk kalte report khan Brig. |henphunga’n Aizawl khawpui zauhna tur Luangmual/Tanhrila a buatsaih Lal Thanhawla’n a duh loh avanga vawiina Aizawl khawpui hetiang taka chep leh hrehawm taka kan awm ta leh Smart City tura chei ngaihna awm tawh si lo hi a va lungchhiatthlak em! Kan Aizawl khawpui hi engtin tak Smart City siam ang i maw!
Lalmama Pu, Klb
————–

Mizoramah hian ram mipui tam ber za zela 75 te tana hmasawnna leh eizawnna tura sorkar hma lakna hi thlir chian a \ul hle. A chhan chu Sorkar Department-a mipui ei bel khawih bik, Development khawih Department te kalphung hi kan en chian a, thlir chian a \ul takmeuh a ni. Kum 1987 a\anga kum 2017 chhunga thlai leh thei rah chi sorkar lamin min pek dan reng reng hi a fuh lohzia in\anna a ni phawt mai a. Kan Serthlum inchintir dan phei hi chu a fel lo langsar ber a ni. Tunlaia Israel Serthlum etc. an tih sorkar fak em em \hin chu “INBUMNA THEI” tiin Kolasib District Lungdai khua Farmer-te chuan an han thar ta ngei mai a, ei theih loh, a kha hle a, an thinrim takzet a ni.
PH FANAI
———–

Lal Thanhawla Guard-ten Sihphir pa an khawih lai khan an pu kha a awm lo an ti em mi kha? Chu an pu chu tihhmingchhiat an tum zawk a ni lo maw? A awm lo tak tak a ni chuan a va zahthlak dawn ve aw. Khatiang kut rang lutuk ho kha chu ban hmak hmak chi. Mi \ha tak tak thawk duh an tam lutuk pute zara inla lian ho hi alawm chimawm.
No. thup
———–

Congress duh lo, MNF ho hian Fakselna, Newspaper, Social Media lamah \an an la nasa hle. Mahse, anni pawh mipuite hian an ring ngam tawh lo. Lal thar piantir ngei an tum tlat.
Duata pu
———–

MNF lal leh se titute thawm a ri ring a, Congress ho thawm a zawi a, mahse lal leh ngei turin an insawh muk niin ka hria. Kei chuan MNF pawh kha an \hat zawkna ka hre lo. Tuirial HEP leh Referral Hospital an suasam danah hian \ha zawk ka ti thei lo.
VL Ruata
———–

Pu Lal Thanhawla vengtute kha an pa hle mai maw? Ka nuai chak zawng tak an ni! Pu Hawl, lo hria ang che, kei leh ka chhungte vote hi i hmu leh tawh nguar ang. Nang vote ai che chuan ka voter ID hi tihtawp pawh ka duh zawk!
Lalmalsawma Vaiphei, Lawngtlai
————–

CM hian order a pe emaw, pe lo emaw a awm ve reng si laia amah vengtuten hah taka kut hnathawk lai Biakzuala na tawk taka an sawisa thei hi a mak a, a demawm tlat a ni!
Zopa
———–

Thingtlangpa, kut hnathawk hlo thlova eizawng ka ni a, NLUP dawng ve lo ka ni a, ka harsa khawp mai a, chuvangin dinhmun a ph>t tawh si a, MNF-in nuai thum kan sem dawn an ti a, chutah chuan ka innghat tawp tawh mai. Zoram mipui tam tak, keimah anga rethei, thingtlangpa, NLUP la dawng ve lo zawng zawng kha tah hian innghat ve turin ka sawm a che u. MNF thlang tling ngei ang aw nuai thum kan dawn ve nan.
RS-a
————