Mihring mak ve deuhna chu an hmelhriat \ha, khawlai intawh chang pawha an biak ziah \hin, dinhmun s^nga an han ding meuh chuan danglamna tl^ngah an ding zel ta mai leh nelawm \hin, nelawm ta miah lo hi hriatthiam har ka va ti em, misual kan nih zia a lang \hin.
Dinga
————-
Vawiin 3.7.2018 Vanglaini chhuak phek hmaah “The Salvation Army dintu William Booth-a piancham 153-na, 2.7.2018 a lawm angin an chhuah lang kulh mai a, a lawmawm ruala lawmawm lo deuh chu 2nd July hi William Booth-a piancham anga chhuah hi a ni a, William Booth-a piancham ni lovin, William Booth-a’n Salvation Army a lo din ni a ni zawk a, chuvangin kum tinin 2nd July hi “Founder’s Day” pualin urhsun taka hman \hin a ni a. Tichuan, kumin hi ‘153th Founders Day’ a ni e.
Sensei J-a
————-
World Cup en laklawh laia current an rawn off that zel mai hi chu a thinrimthlak \hin ngawt mai. Chubakah World Cup en hunlai hi chuan in en chhawk policy hi chu ti lo thei hram sela.
Engduha
————-
Kumin 2018 kum tawp lama Zoram inthlanpui kan neih turah hian Pu Hawla leh Pu Zorama thluak suk sak loh zawngte leh sum hmanga an lei theih loh zawngte chuan he kan ramin hmasawnna tluantling kan lo neih ve ngei theih nan ZPM-ah ngei i vote \heuh ang u aw.
Mizo Tlangval
————-
Pu Ruat, Congress sorkarah dan leh dan lo a awm ve lo. Kan duh duh NLUP chu kan pe mai dawn a ni. I duh ve leh rawn zawm ve mai rawh. ZU pawh sawi sawi mah ula kan zuar zel dawn.
Lalliana
————-
MZP-ten June ni 30, 2018 Remna Ni ropui taka an buatsaih, kan CM Pu Hawla’n, a hmanpui hi a ropuiin Remna Ni hi MNF tan chauh a ni lova, khawvel hmun tina Chhinlungchhuak Zofate tana ni pawimawh a ni a, Hnam pasal\hate leh Kohhran mipui leh pawl hrang hrangte thawhhona vanga tun dinhmun thleng kan ni a, hlawhtlinna hmu tura engkim huama thawkchhuaktute thil ho lam anga sawichhia kan awm \hin hi i sim ang u. Lungrualna hi ram leh hnam tan himna kulhpui ber a ni si a.
Tlabung Uitangrual
————
Kan enkawlna chungchangah heng ho lalna rawn keng chho tawhteah hi chuan sum inchuh leh hut hut mai tur atan chuan ka vote hi ka pe mai mai dawn tawh lo. Meng reng inbum an thiam em mai. Ram ropui kan kai leh chuang lovang tih kan ring tlat a ni.
MSA, AIZAWL
————-
Pu Duha hi a kal lohna turah a kal a ni. A hna \ha tak kha pension thleng lo thawk se a \ha zawk tur a nia. Mi sawichhiat vak vak a ngai lo bawk ang.
Duata pu
————-
ZONET-in World Cup Extra LIVE-a inrawn sawiho \hin hi a ngaihnawm kan ti \hin hle mai. Rawt belhna ka rawn nei a, Semi Final a\angin Rihnim Channel hian LIVE-in pe chhawng ta ula, Mizo \awng ngei maiin comment lo pe ta ula a va hmuhnawm zual dawn em. Intan a har hauh lovang le.
Jerry, Khawzawl
————-
Sorkar ve ch^k tak tak chu in awm, keini chu a term thumna turin kan sorkar leh mai dawn.
Lalrinfela
————-
ZPM ho hi khaw tlem teah mi tlem te te nei chunga sorkar an tum a, phingphihlip arsi lak tum chu an ni ai chuan ropui tak an ni.
VL Ruata
————
Leiah hian hausak muk \un tuma i hun neih zah ve aia tam mah i khawhral hiau hiua lai hian i chatuan hmun tur i pan pah zel a ni tih i hria ang chu maw? YMA ten ft. 2-a zau, ft. 6-a thukin he khawvelah hian kua an hreuh sak ang che anga, tah chuan hlauh reng reng leh lungkham nei miah lovin thlamuang takin chatuan atan i MUHIL vang vang tawh mai dawn a ni. Mi hausa tak mai, mitthi tho leh pakhat chuan a thih hma khan a rosum tam tak mai chu a fate ho, mi thatchhe pui pui, lerh tak takte chu a sem a. Mahse, amah pui roh chu ni rei vak lo hnuah a rawn tho leh ta luau lawi a, a rokhawmtu a fate ho chuan he khawvelah hian an pa kha a lo khawsa ve zek tawh a ni tih lam reng reng an lo hrechang tawh lo. An rokhawma ber pawh chu neih mumal pawh an lo nei bar tawh lo a ni awm a, a ni mitthi tho hlim hlawl e ti lo chuan a bei hi a han dawng khawp a, thlanmual hi a ngai vawng vawng mai a ni. Hausak nghek duh lutuk pawh hi a \ha lutuk lo a sin.
Tlangvala
————-
Keini thingtlang mite chuan hah lutuk lova kum tawpa kan thawhrah Sawhthing Kg-ah Rs. 50/-a hralh a, Rs. 1,00,000/- han neih ve kan nghakhlel hle mai. Sawhthing hmun zau dan a zirin Rs. 10,00,000/- pawh.
Keimah Theubema
————-
Mipui mamawh sem chungchang hi thuneitute beng a thlen phak takin rawtna ka’n nei ve teh ang. Gas an sem hian chhung tin a\angin bur khat tih hi a ni \hin a. Chhungrual deuh leh nupa rek leka awm pawh hi min hrut rual vek a, keini chhungrual, tu leh fate nena khawsa ho tan chuan a luhaithlak hle mai. Connection nei tam pawhin awmzia a awm lo. Chhungkaw member chumi zat chin tan bur hnih lak theih tih dan te hi han siam thar se kan va ti em!
Chhungruala
————-
