Fakselna 3rd June, 2019

0
28
views

Ni khata naupang ti \ap hnem bera ka hriat chu ice cream zuara kual \hinte hi an ni. Naupang ngah deuh phei chu an buai fo mai a, tlema veng tla fual deuha awm nu leh pa awm hman lo tan chuan an lo ngena, an \ap chuah chuah mai \hin.

9862898731

Hman deuh khan Mimi fakna, hmeichhe inchei deuh reuha patling puiin sem sem dam dam a rawn tih ruah ruah \hin kha Fakselna kaltlang hian an rawn sawi tawhin ka hria a, kan \henawm pa pawh hian a ning ngang a niang a lo lan dawn hnaih thawm a\ang hian a hmet sawn daih zel.

7085847820

Arun Jaitley BJP sorkar hmasaa Finance Minister hming \ha tak leh BJP party hruaitu lawk ni bawk, Modi-a pawhin a rin em em chu tun BJP sorkar tharah chuan a hriselna a \hat tawh loh avangin amah ngeiin ziakin Modi-a hnenah mawhphurhna engmah pe tawh lo turin a thlen tawp mai a ni. Tuna Mizoram sorkarah pawh hian Minister pakhat chuan a hriselna \hat loh avangin office pawh luahlum thei lovin a awm reng a, hetianga hna pawh thawk thei lova mawhphurhna sang tak chelh reng ai chuan inhnukdawk ve rih mai sela, ram leh hnam pawhin hma a sawn phah zawk ngeiin ka ring. Hnathawk thei chuang si lova Minister hna chelh reng chu hmasawnna ti\huanawptu pakhat a ni thei tlat.
Zoa, Republic Vt

7627909600

Ministry thar hian Education system thar a \ul an ti chamchi a, school timing te, exam dan tihdanglam leh adt. an apply thul.
Tunlai naupangte hi zirlai hrim hrimah chuan an thluak a \ha thawkhat hle a, a pawimawh ber zawk chu zirtirtu siam rem leh khawng taka kal hi a ni zawk. Zirtirtute laka sorkar a inthlahdah vanga education system hi chu chhe mai a ni zawk bawk.
LB-a pa

8414029478

Khawnge ka vei zawng ka’n sawi ve lawk. Tunlai hi Sangha tui lai no la neih hma si a ni a, thuneituten hma han la teh u khai, a bikin Tuirial leh Serlui B-ah te hian. Kan tan vek a ni a, a tui loh lai tak a ni lehnghal a, mipui lam pawh hi harh a hun. A rai laia Sangha i man khan Sangha sing tel i that tih hriat tur. Khawngaihin a rei lo bawk a, insum hram ang u.
LR Colney

9366276141

Two wheeler taxi hi kan sorkar chak tak hian intlan chhawk tir ve rawh se. A nih loh chuan two wheeler zawng zawng din ni nei lovin tlan tir vek rawh se.

ZRTA ZK

9615445637

Vanglaini-ah sports reporter-in tihsual a nei. III Division champion Tanhril FC a nih laiin Zembawk North a champ tir tawp. A lo fimkhur \hin tawh beisei ang.

Lala

9612126503

Tlawmngaipawl ten zu kan khap dan leh a zuarte chunga action kan lak dan hi a Mizo em? Chhumchhia hnathawk thei lo zu zuarte chunga YMA-in chhiatni a a ensante hi, YMA chu mite \anpuitu ni \hin kha mi harsa hnathawk thei tawh lote diriamtuah an \ang ta. Mimal tinte dinhmun hi hriatchian hmasak phawt a va \ha em. Pu Rama leh a hote lah chuan \anpui a hnekin JAIL-ah te an la khung leh ngei dawn sia. A neinung a fengchhing chhingte kan hmaih leh si anga, heng mite berte chunga intih hi ka chunga ti inni e. Kohhran hruaitu, lei BERAM pute lah hian an hruai thei lo. Engtin nge ni ang le?
LALPA RZA, Ralte TD

8730841016

Aizawl khawpui tawt lutuk hi mitin hian kan vei hle mai maw? Aizawl Town Extension Project PC sorkarin a ruahman sa Pu Lal Thanhawla Congress sorkarin a tihtawp tak mai RAH kan seng ta a nih hi. Khawpui tawt hrehawm titu zawng zawng chuan lo hre chhuak thar \heuh teh u’n.
Laltawta

9612691391

Pu Zonet thildang vak ka rilruah a awm ngai lova, mahse tun kum khat kalta mai a\anga ka rilrua lo awm lang lian em em leh ka ngaihmawh em em mai chu Mizo hnam inti tak mai, an Headquarter pawh Hnam R<n ti ngattu MNF-te hian eng vangin nge Chakmate awm khawmna hmunpui saw vote bank-a an va neih duh tak mai le? tih hi ka zawhna lian ber a ni ta. Anni ho lah hian kan ram min chuhpui reng mai si a, kan tana min duhsak ve miah lote hnenah hian eng vangin nge vote duh avang ringawta an va tlawn sek mai le? Congress ho pawh khan vote bank-ah an va nei tawh bawk a, anni Party pahnihte ngaihdan hi a zo zia lo \iah \iah hle mai. Engtin tak awm zel ang i maw? Kan la buai dawn khawp e.
Zo tlangvala, Aizawl

9862384183

Hman zan inkhel kan en a, khawvel mite ngaihhlut leh World Cup ai pawha \henkhatin an ngaih ropui chu an khel a, lawmman an han sem a, khualian tak tak, khawvel pum huapa mi pawimawh pawh an tam e. Thu sawi ve phet an tum lem lova, an lo chibai mai a, a mawiin a tawk fu a ni. Khawi lai emaw inkhel final ang deuh hian tute emawten thusawi ve phet an tum lo. Thil \ul ber a ni em tih te hi ngaituah a hun khawp mai. Football aiawhin han kam hnih khat mai se an sawi lo thei lo a nih pawn. Khualliana kan sawmte thlenga thu kan han insawi tir chiam mai \hin hi chu a zia lo deuh a ni. Hei hian a tawp thlengin team te in\awiawm kawngah kan hnufual phal.
Aizawl Pahlun

7005893886

Sorkar hian eng vangin nge two wheeler taxi ho hi a vohbik em em? Intlan chhawk ve rawh se, a nih loh pawhin tumah intlan chhawk lo ila.
Mami pa

8014661967

Pu RK Lianzuala kuthnu ‘Tukchhuah nuam le-1’ lehkhabu tlangzarh zana Pu Vanneihtluanga thusawi ngaihthlak tur a awm ve lo kha chu a kim lo mange aw.
RK Lianzuala uitu, Vanneihtluanga Fan

9862037311

Aizawlah ui vulh kan tam hle rualin, UI JECTION erawh kan ngaihthah lutuk hi a pawi khawp mai. Mi ina lenluh pawh \ihbaiawm tak a nih mai bakah mi a sehin UI Jection loh a lo ni duh khawp mai a, veng tina thuneituten khauh taka hmalak a va \ha em ve aw.
Pa DIKA

8575521455