Fakselna 5th December, 2018

0
611
views

Inkhawmpuia zaipawl zai \hinte hian mipui tam berte thiam sa te hi sa \hin sela, a hnua tumahin an sak nawn tawh loh tur sak ai chuan an va hlawhtling zawk awm em.
9436365342
———–

Ka lo hriat ve danin Sik ni eng tih hla Krismas hla ang maia an sak tak mai hi Pu Vankhama’n Tlaizawngpar mawi a tih em avanga a phuah ni khan ka hria a. A hla thu hi ngun takin han ngaihtuah mah teh u. Pi Vanhlupuii te pawhin an hre deuh lo’ng maw? A phuahtu phuah chhan ang ngeia sak leh kan hriat hi a hlu a lawm le.
Dindini pu
————

I fate bulah midang rel reng mai mi i nih kha sim teh. I fate tan ngaihthlak a hrehawm khawp ang. Midang sawichhe lovin nangmah kha Biak Inah te inkhawmin \awng\ai \hin zawk rawh, i fate thlarau dam nan leh in chhungkaw tan.
RUALAWTA
————

CADC lama All NGO ten party tinte candidate dah loh nise tia ngenna an siam chu party \henkhatten an bawhchhie ta si a, NGO te hi an ngawih leh si chuan thuawi party te tan zawng ch^nna a lo nih dawn hi. NGO te duhdan lova MLA thlantlinte chu an chungah action la ngam tak maw? Mipuiten kan ngaichang reng e.
RZA Ralte, TD
———–

Tun \um kan inthlang zet chu inthlan kan lo hmachhawn tawhte ngaihtuahin vote a tla \ha thawkhat bawk a, party lian inti, tuna NLUP sem chhunzawm tum meka te pawh an lungngaia, an kun ngur mai an ti. Pawl \henkhat an lawmah a tla a, \henkhat nuai thum sem tuma te hian inthlan hmaa an thil tih dik loh lutuk inchhirin tlin zawh loh phah mai an hlauh avanga lungngai nghal ta mai pawh an awm a ni awm e. Chung hote chu tute nge ni ang? Inngaihtuah chuan inhrethiam mai awm e. Thil tih lutuk hi a chang chuan kan nat phah fo \hin a, a chang chuan kan tawrhphahin, a chang chuan an \hat phaha, kan dam phah fo thei a ni. Lo ngaihtuah chhunzawm ve tawh mai rawh le.
NEUTRAL PA, AIZAWL
————

Kan ram leh hnam phatsana, kan sakhuana thlenga nuihza siam nana min hman pawh pawi ti reng reng lova an INHRALH a nih chuan e Pathian phal loh ANCHHIA hi Mizote ka a\ang hian a put dur dur mai ang tih ka hlau e.
VL FANAI
————

Sorkar thar lo piang tur mawlh mai hian thinlung a luah a. Hengte hi awm tawh lo se, ramri chungchangah nep zul tawh lo ni se. Naga zirlaiten kan rawn pui dawn che u em ni an tihte kha a lawmawm hle rualin a zahthlak. Kawng siam \ha tura vantlangin sorkar kan nawr luai luai ngai ang chi kha awm tawh lo bawk se. Khuallian nih hman mang lo khawpa thawk uar turin mipui hian sorkar thar lo piang tur hi dingdihlipin kan thlir \hup a ni.
RK Sanga
———–

Kan ram zimteah hian Pathian ringtu, Pathianin a rin ve si loh kan va tam dawn tak em. Nangmah kha Pathianin a rin turin leh a hman turin rilru leh thinlung zawng zawng tlawm vekin indah la, Pathianin rintlak i nih zia a lo lantir anga, Pathian chu i thinlung zawng zawngin i hmangaih tawh anga, i ring lo thei lo ang. Tin, Nilaithawh\an rawn titu khan i lo hre sual palh a ni ang, Ningani tih zawk tur a ni e.
Fela pa, KK
———–

Ningani tih hi \awng dik lo, Nilaithawh\an tih hi a dik zawk tiin Fakselnaah khan kan lo hriaa, Ningani tih hi kei dik zawk leh tun hmaa hman dan zawk nite hian ka lo ngai mai a, kan hman dan dik leh “hetiang hi a ni” ti thei rual u leh thu leh hla lam tui deuh ten rawn sawi chiang teh u, sawi chiang thei kan awm chuan a lawmawm ngawt ang.
LT Ralte
———-