Kan ramin thawh chhuah hlawk tak kan nei lova, chutih laia sorkar hnathawkten 7th pay phuta nawrh an huaihawt \hin hi chu aw. Zoram mipuite hian Ruling/Opposition party sawi lova kan do letpui hi a \ul takzet lo maw? Mahni party sawi lovin Zoram mipuite hian ram hmathlir nei chungin Ministry ding lai hi 7th pay hmang lo turin i nawr let zawk ang u hmiang.
LB-a Pa
———-
Peka pu-in nakkum BJP hi thlang tling ila a ni mai a tih kha ka pawm zawng tak a ni. Tin, BJP-in kan sawrkar chuan Ration kg-ah cheng khatin kan sem ang an ti bawk a, keini mi rethei tan chuan hei bak beisei tur kan hmu lo e. Contract tenau takngial pawh kan beisei ngam lo a nia.
8730820304
—————-
Education Minister, Pu H. Rohluna chuan zirtirtu, mahni awmna tura awm duh lo leh aikal tir \hinte avangin zirnaah harsatna a thlen a ti a, a dik full. Mahse, heng hi Minister mawhphurhna a ni lo em ni? Thu awih lote chunga action pawh la ngam lo chuan pawnfen feng sela bang mai se, atan a \ha ang a, ram tan pawh a \ha zawk ang.
Seling khawpa ngat
——————
Sorkar hnathawk an nuar a, khawpui a thawl hawk mai. Keini mi retheiten bandh nikhuaah kan duh vang pawh ni lovin hlawh kan ch^n a, duh thu ngeia nuar ngamte hi sorkar hian hlawh cut sak ngam ve rawh se. Mahni hnathawk pawh ngam lo sorkar hi sorkar zel tlakah ka ngai lo. Nuar zingah pawh hian Mizoram dinhmun hriaa hlawh ringawt buaipui lo, hruaituten an rel tak avanga zawm ve lo thei lo tam tak in awm ka ring tho. Thi leh thau pawlhin sorkar hna in zawng a, in hmu ta cheng a, a ruaitu thu lova duh thala hlawh lak tum leh si chu. Dik tak chuan sorkar mai ni lo, Mizoram mipuite rawih in ni.
Zova
————-
Kan sawrkar hnathawkte hian eng rilru nge an put le? Mi harsa ei chawp dap ho hi min va ngaihtuah lo ve. Anmahni ringawt an inngaihtuah a, Van lam ngaihtuah chungin thil ti rawh se. An duh thawh hlawm em em mai a, an thil tih dan hi a dik miah lo. Mahni pumpui hma chiah ngaihtuah hlawm mai. Ei chawp dapa inhlawhfa chawpte hi min ngaihtuah ve mawlh teh se. Kan ram hi Setana lal ram a ni ringawt tawh, an duham hlawm lutuk a, khua pawh an hmu tawh lo, zahthlak tak a ni.
No. thup
———
7th pay hi kan la emaw, la lo emaw thil man hi chu a sang dawn tho tho tih hi hre tlang ila mi fing kan ni mai lo maw? Ka unau tunah pawh lak hma hauhin vawksa man pawh a sang der tawh a nia Aizawl lamah chuan.
9862322234
————-
AIR FM-in Sap leh Mizo an zai kar thlaktir reng mai hi chu sim ve tawh se ka va ti em.
BUAIA CCK
—————–
Kan hnam pasal\ha, Sgt. Sapliana, VBN Durtlang, |anvela Saron veng, Saizikpuia Sesawng, VL Thlamuana Vanchengpui, Ralliana Kei\um te ruhro Dt. 1.12.2017-a Hnam R<n rawn thlen, Dt.5.12.2017-a Martar-te thlanmuala vui liamte hi keini Zofate tan an hluin an va ropui tak em!! In sakruang Mizoram tan, fam dai rial chang tawh mahse \hang lo thar zel turte hian in sulhnu kan rawn chhui zel dawn a, Zoram, Zohnahthlakte ram hi Martar-te thisen avang hian zu zawrh leh dawn te sep ringawta innghat ram nih hi a rem lo. Martar-te ruhro LALPAN Zoram tan malsawm rawh se.
Hnam Arsi hruaitu ZORAM SAKEI
————–
NGOPA AIRTEL signal hi enge a awmzia? Zan rei apiangin Internet signal tawp reng mai. Zan dar 9/10 thleng lehkha kan zir a, dar 11 thleng vel fb/whatsapp te kan khawih chak ve a. Internet signal lo tawp hmanhmawh zela mawle, a ninawm tak tak a ni. Jio hi kan ngai riau. Rawn inbun daih teh u. Company dangin an tluk lo che u a nia aw Jio.
Lala
————–
Politics khelh leh thuneitu nihte hi mi \hate tan chauh a ni a, a tling leh chak apiangte sawisel ching ho pawl, mahni hmasialte khelh chi a ni lo. Khawvel hian mi dangte tihbuai hmang pawl leh mahni hlawkna tura midangte chhiatna zawng mite hi a mamawh lova, thinlung fel leh dik, Pathian \ih mi hi a mamawh em em zawk a ni. Eng pawh thleng se Pathian remruat a ni tih pawm thei lo ho hi mi dik an ni ngai lo. Tluk lohte sawi chhiat hmang, pawi khawih tur zawnga mi dangte fuihpawrh duh tawh ngat phei chu engtikah mah ram hruaitu tlak mi \ha an ni thei lo hrim hrim kawng dangah pawh.
7642809361
————–
Inthlan hmaa Chief Minister tur puan lawk rawttute hian Pu Hawla leh Pu Zorama anga aiawhtu tur nei lo ang maia roreltu hi inthlanah tling ta lo sela engtinnge ni ang? |angrualah hi chuan kalphung thar a ni dawn a, ram hmangaih tak taktu hei leh chen ngun taka lo thlir reng \hin tute an rawn tho chhuak ta sup sup mai a ni a, MLA-a tling hote khan CM tur chu democracy takin an thlang leh mai dawn alawm.
Zorama pu, Klb
—————-
Mizo hnam hi inenfiah kan ngai a ni lo maw? Fakselna, Facebook leh WhatsApp-ah te hian phunchiarna hlir a ni mai a, Kristian kan ni kan ti a, Kristian phunchiar kan ni ringawt mai hi zawng a dik lo a ni ni lo maw? Ringtu chu a lungawi tur a ni lo’m ni? Nge ringtu lungawi lo kan inhring ta \euh hi tu mawh nge ni ta?
R. Lalhmunmawia, Tuikual South
—————-
Eng kan ti ta nge Fakselna hi party politics inbeihna tualzawlah a chan tak mai le!! Mahni party fak mawina leh Party dang leh mimal insawi chhiatna ringawt ngaihthlak reng mai zawng a khamawm takzet ta. He Fakselna hi tihtawp a hun tawh a ni thei mai lo maw Pu ZONET?
Light brigade
—————-
Pu Rama hruai MNF sorkar kha an chet chhiat lutuk avangin Pu Hawla hruai Congress sorkar kha hneh takin an tling a, Congress chet \hat lohna hi MNF hian an tlinpui ve zo ang em i lo thlir ang.
Ruata pu, Kawnpui
—————-
