Fakselna 7th January, 2019

0
104
views

Hei le sorkar thar kan nei ta a, an flagship MAU \ha chu kan ching ang chu! Lo vah a hun leh ta der mai a, mau \ha chi chin dawn chuan vah hmaa khur laih phawt tur an ti si a, a va hmanhmawhthlak ta ve? Kumin hian kan ching leh dawn lo nge, ruahman sa vek a ni an ti si kha a ni a. Hun hmasaa MIP an tih ang mai mai kha a ni leh mai ang em? Nge, mau chi siam thiam khawvelah pakhat chauh a awm a, a la siam tam tawk lo em ni? Thawm ri va a va awm lo ve? Chin thuai thuaia HAUSAK ve kan chak tawh a nia!!

Kuthnathawktute

Pu |hena khan kawlphetha kha a duh tak zet a, a bei nasa a, kum 5 chhung lekin a puitlin theih loh a ni, a thlaktu CM khan “A ni damlai lung ka phun dawn lo” a ti ta daih mai si a, heti hi kan ni ta a ni e. A tenawm khawp mai.

Thlirtu

Khawvelah hian sumdawng an hausa ber a, pahnihna kuthnathawktute, pathumna sorkar hnathawkte. Heng hi mi ram dinhmun a ni. Kan ram ve-ah chuan Politician leh sorkar hnathawkte an hausa ber a, kuthnathawktute kan rethei ber a, tu hi nge mawhphur ta le? Mi rethei hmangaihtu an pung tual tual a, BPL kan pung zel zawng a nih hi le.

RZA Ralte TD

Ramri hi engtin nge kan tih zel dawn le? Congress sorkar tih tlakna tur chauh vei kan nih chuan mipui support hmuh a harsa tawh ang. Reverend-a meuh pawh kha a \awng ve si a.

VL Ngaia

Ramri chungchangah hian hnam rilru pu ber intite an lal ta bawk a, Zophai lamah kal a hun leh tawh lo maw? MZP-ten a bul rawn tum leh ula, mipui pawn kan support ang che u. MNF lal na na ti innih loh chuan ZPM mipui zawng zawng pawn kan thlawp ang che u. Inti ngam lo a nih chuan tun hnuah ramri thuah ngawi hmak tawh ula, bang darh vek rawh u.

Ramveia

Ka pu Ramte Assam nena kan buai fona laiah khuan kan duh lem loh Tuikuk raltlan ho khu dah ve ila a \ha mai lo maw? Mizo pangngai kan awm \ha duh si lova, ramri depah hian awm hmun khuar tir ila a \ha phian mai lo maw? MZP leh YMA te han pun ula, han ti ti khawm ta ula, eng nge inngaihdante han sawi khawm teh u.

Ruatdiki pu

MNF sorkarin a ngaihpawimawh tur zinga \ha ka tih em em chu sorkar hnathawkte hun hman dik tir an tum hi a ni. A chhan chu darkar chanve chhung lek pawh hian hna an thawk hnem hman \hin em mai. Ram hmasawnna tur kawng pakhat niin ka hria.

8837489511

Eng Party pawhin sorkar fawng chelh se, kawng enkawl dan bikah hi chuan PWD hian metal road quality \ha tluantling siam tura control-tu an neih hma chuan kawng \ha tak hi beisei lo law law ang u.

8014344995

January ni 5-a Vanglainia Rev. Chuau\huama’n Mafaa a hmuh dan a ziah kha ka lo chhiar ve a, a ngaihsan dan kha a hmusit riauvin ka hria. A chak lohna leh a tlin lohna te chu a awm ta ve ang mahse Mafaa he khawvel piah lama miin a rawn chhang thei dawn tawh lo tih hriaa kha ti em ema tih chu a kalsan a chhungte rilri pawh a na ang a sin.

Aizawl Nu

Khawpui titi tam tak hi ka lo ngaithla \hin a, \halaite leh mipui titi hrim hrim hian tunlai chu ka beng a verh hle mai. Thingtlang mite hmuh hniam lutukna \awngkam tam lutuk hian rilru chu a tina ve hle mai. Ka’n sawi ve lawk a nge, Bazarah kal ila, chawhmeh reng reng hi thingtlang a\anga lakluh vek a ni a, engkim mai hi khawpui thawhchhuah a va tlem si em. Thingtlang mite kan thawh loh chuan khawpuiah eitur thianghlim \ha leh hrisel a lut lo tihna ni mai. Chuvangin kan dinhmun inhmu hniam lo hian kan inmamawh tawnna te hi hre reng chungin kan \awngkam i fimkhur teh ang u.

CCK Ralte