Fakselna 7th May, 2019

0
44
views

Aizawl khawpui chhunga motor tam dan ngaihtuah chuan kan speed limit (20km/hr) hi a hniam lutuk, enga mah hmain a jam sa nghal a lawm. 30-40km/hr tal ni se, chumi speed-a khalh ngam lo chuan an thiam tawk lo tihna a ni a, khalh chhuah ve loh mai tur. Tin, kawngsir motor park nileng hi, parking a nih ngawt si loh chuan dah lo se, heng pawh tireh thei lo kan nih chhung chuan number pathum pawh a rualin ding se, traffic jam hi a reh chuang lovang.

8794519384

Hming thlak tih vel mai mai te, Traffic jam tih ziaawm nana lirthei intlânchhawk tih vela buai buai lo hian ramri venghimtu tur mi fel leh rinawm thlangchhuak zawk ang u hmiang.
LB-a Pa

8414029478

I In hmunah, i ram chhungah \henawmpa-in ban a rawn phun a, a rawn nek reng che a, i thimrim a, chemsen lek hial pawh i ngam anih kha. A chhan chu i ram a ni miau a, ram neitu dik tak i nih vang a ni. Tunah Zophaiah MZP ten signboard an tar a, kan sorkar (MNF) chu venhim sak turin an ngen a, i lo thlir ang aw. Ram neitute kan rawn sorkar ta e an ti bawk a. Ram neitu dik tak rilru chu a lo lang mai ang. Ram neitu rilru chu kan hriat kha maw.

8794603279

Pathian hla, a thluk pangngai tel ve zeuh zeuh chauha ti kikawi \hin ho hi gospel singer dik taka chhiar an har ka ti.
KLL

9436141804

Mizote hian sorkarin kan \hat tlanna atana dan a siam hi kan ngai pawimawh tawk lovin a \hatna leh hlutna kan la hrechiang tawk lo niin a lang. Misual tak i ni chung pawha i kianga i dikna neihchhun phochhuah duhtu awm reng chu Pathian leh dan chiah an ni ang. A chhan chu dan chuan eng tlawmngai pawl, party, Pastor thliar lovin, ang khatin min en vek a, dan hnuaiah chuan an pawl a lian emaw, an hausa emaw tan bik a awm thiang lo. Thil tisualtu chu hremna a pe mai \hin a ni. Nangni \halai rualte u, harh ula inhumhimna dang zawng lovin dan leh Pathian hi inhumhim nan i hmang ang u.
Nicky L Ralte

8794540096

MIMER hming thlak hi College tan \hat lohna a awm loh chuan pawina em em a awm lo. Ram hming mah an thlak a lawm le.
Lalrinfela

8014168221

Mizote hian eng kawngah mah \hahnem kan ngai peih tak tak lo em aw ka ti \hin. Sumdawng pawh sumdawng an ni tih hre lo khawpa \hahnem ngai lo ang hiala dawr nuam lo leh dawrtute ngaihsak mang lo an la awm tho mai.
VL Ruata

8257065411

MNF hruaitute u Mizo mipui zawng zawngin in chungah an beisei sang bik tih hria u la, Mizo party bik leh ram hmangaih kawngah pawh sang bik turin an dah che u a ni. In lal hmasak anga in tal a rem lova, party thliar lova Mizova chiang, Mizo tawh phawt tana tihsak theih inneih chu ti mai rawh u. In lal hmasak anga awm lova ram tan inthawh \hat chuan in lal reng ang. Pathian duh loh zawng thil tih in tan a rem ve lo.
Duata pu

8730099759

Mi \henkhat chet dan ka thlir hi chuan Vanram kai ai pawhin MLA nih ve hi an chak ber a ang ka ti. Mipui hriat tura eng tlawmngai pawlah te emaw hruaitu lawk china intat luta, miin an ngaisang tih an inhriat veleh tute party lian sa emawa intat lut chawpin, MLA candidate-ah an invawrh chho ta \hin niin a lang. Chutiang zelin tunlaia rampum huapa kan NGO hruaitu \henkhat pawh hian ram leh hnam hmangaih em em anga an inlantirna phenah hian kan han sawi tak, dinhmun sang zawk beisei ru tlat an awm leh dawn nia rin theih an awm tlat a, rin ruk ka nei pek a, dik leh tak maw? Kan ram mipuite hian kan beng i lo chhi kar ang u hmiang.
Thangtea pu, VP

8131051855

MNF leh Congress sorkar hnuaiah Assam nen kan ramri hi chinfel tum chi a ni lo. Election manifesto-ah an telh lo ve ve a, a hming chuan committee chu an din a, awmze neiin an che lem lo. Hmanni lawkah MZP ten Chawlhbuk sak an tum a, Assam Police ten an kap hial a, kut an thlak chiam a, kan Police te ngawih theih zia kha. Naga zirlaiten kan rawn pui dawn che u em ni an tih hial kha. Do nei thei turin MNF sorkar hmasa leh Congress sorkar khan hma an la lova, ni hnih khat Silchar kawng ping hlekah pawh mangangin Mizoram hi vawiin thlengin min la dah. Hawh u, buh leh bala intodelh thei sorkar kan neih hunah ramri hi a takin i kalpui ang u. Tunah chuan ramri chungchang hi pending rih ka rawt e.
Rk sanga

9862366590

Tuna intlan chhawk mah keini sorkar hnathawk ve lo tan chuan phur a rih tawh nak a lai a, a zual zaw pui vai hlen hlo tih ang chauh, June thla a\angin inla tihbelh deuh deuh dawn maw? Chutih a hnu nangni a reltu Minister leh Officer intite hian hma inhruai ngam dawn em? Nge Pharisai leh lehkhaziaktute rorel hian midang chungah rorelna dik lo inkalpui zel dawn? Mahni indah \haa rethei zawk leh thil tithei lo zawkte tawrhna thlen thei order chhuah leh khap hi ka ning ta khawp mai. Inti tlang a nih chuan Minister e, Officer e, kein kal ngam ve ang che u.
The Democrat

9436153688

ZPM lam hotute u, in indah ropui hle mai maw? Congress hotupa pawh kha a indah ropui teh a sin. Mi chapote hi Lalpan a dodal tlat a ni tih hi inlo hre dawn nia. In vanglai a liam mek a ni.
Carolini pu

9862216410

MNF sorkar hi Pathian bel ruat chu an lo ni e. Pathian thu leh Kohhran thu ngai pawimawh, hetiang bak bak hruaitu \ha an awm dawn chuang em ni? Sorkar hmasa Congress kaihhruaite kha zawng Pathian leh Kohhran pawh zah lova zu zuar lui kha an ni a, an tlakna pawh a sang vang vang e. Kei chuan an dinchhuah leh mai mai ka ring tawh lo.
Zohmangaiha, Mizoram

9612898237