Zonet-ah hian sports channel zawng zawng deuh tho hi enga tinge kan en theih loh reng mai bik le? Kan channel book-ah a tel ve thlap si a. LPS lam hian an en thei reng si. A theih chuan han pe chhuak ve thuai teh u khai.
9436193805
Health Department lam ten inchhung kah nan DDT an hman hi a hlauhawm loh an ti bawk a, thlai hrik kah nan pawh hman zel tur niin ka hria. Lei \ha pek aiin thlaiin a ngeih zawk bawk si.
8787737458
Mizoram BJP President leh MNF President te pahnih hian Citizenship Amendment Bill, 2016 duh lo ti reng chung sia BJP an thawhpuina bansan tura “a \ul chuan” an la ti chauh mai hi a mak hle mai! Rajya Sabha-a an pass hnuah \ul an ti dawn chauh em ni ang le?
MAKTI A
9612691391
MZP-te hi zirlai pawl an nih hi inhria se. Nu leh pa leh sorkar, anmahni enkawltuten an enkawl zirlaite leh nu leh pa tana \ha tur a ngaihtuah lai hian lo dodal ve lo mai teh se. Fanu/fapa class X pass pawh la nei lo ho ai chuan sorkar leh nu leh pate hian tawnhriat an nei \ha zawk a ni tih hi lo pawm ve mai teh se. Naupang duhdana ram kalsiam a \ha ber lem lovang.
Zuitea pu
9436148230
Ruihhlo hi tu chhungkua hian nge \hatpui? Enga tinge an zawrh luih tlat? Mi chhungkua a tih buai zia hre reng chunga zuar lui tlat tute leh zawrh phalna petute hi Lalpan a dem a ni. Sum i hmuhna tur a nih avang ngawtin mi tana \ha lo tur ti kher suh. Lalpan a rul ngei ang che.
Carolini pu
9862216410
Pu Rama’n zu khap bur a tum leh chu a nia. Dan pawna an awm laia an zu khap dante kha rual u deuh chuan kan la hria ang chu. Mi tam tak mittui a tla a nih kha, zu an khap rem kan hre lo. Remna thlen hnuah pawh zu khap burna dan an lek kawh leh a, a hman hmanin dan an lek kawh leh a nih kha. SRS te hi an LAL leh mai ang em? Thirtianga rorel hi chu a tuartu tan chuan a rapthlak deuh zawng a ni e. Zu hi khawvel awmchhung chuan a rem dawn lo. Pu Rama nge lal, SRS? I lo thlir phawt mai teh ang u. Thisen ai chuan \awng\ai leh BIBLE a hlu zawk si a.
No. thup
8730841016
Rangvamualah ngei END Outpost hawn chilh rap a ni hi a lawmawm tak zet zet a ni. Chutihrual chuan Vairengte post-a awm nawmzia an sawi fiamthu ang deuh khan Rangvamualah hian awm thlakhlelhawm khawpin thil a awm lo turah lo ngai phawt ang.
Mesaka Putea
8413024376
Apu Ramte tumah hi Party-a thlun ngheh tum duh suh aw. Pathian nungbia inti ho pawhin hming hran hran vuahin Party-a thlun ngheh an tum a, ram tana \ha tur ngaihtuah lek lovin Party an dah lalin an duhsak lutuk a, pu ber hovin an tlak diak mai hi. An thawh leh hun tur chu kum 2050 vel daih a ni tawh ang. Ram tana \ha hi Party tan pawh a \ha a ni mai.
Peka pu
8974244232
Kan Education Minister hian khawngaih takin School \an hun hi a pangngai ang khan rawn sawn hma leh lul teh se. Nu leh pa phurrit hi min chhawk zangkhai khawp ang. MZP te hian kan fate hi in lamah min enkawl pui lo, chuvangin lo inrawlh buai duh suh se.
Sylvia pa
8730971087
Zonet fee khawntute hian channel pack duhthlan theih pathum min rawn offer Rs 400/-, Rs 500/- Rs 600/- man te a ni a. A to em mai tiin Rs 500/- man pack ka lo thlang a. Channel kan duh a kim lo nasa khawp mai. |henawm LPS lam chuan Rs 250/- leh Rs 400/- man pack an offer ve a, channel a kim viau si an ti. Tihdanglam deuh dan a awm lo maw pute u.
94363 61497
Kum 20 rambuai tih leh NLUP kan buaipui a ta langin kum 10 chhung chu development pawh a chawl \huap mai a, kihhnawk sawi hman lo leka min ram a vei chuan thla hnih/khat chhung mai pawn a van thawh hnem theih si em.
Ramveichuka,
Aizawl North
