Fakselna 9th May, 2019

0
44
views

|hahnemngaih thilah ZONET ZING DAIFIM hi ka’n sel ve leh teh ang, hmasawnna te a awm phah mial tâkin.

Nimin zinga Helicopter service rate a rawn puanah khan, “Mizoram pawna Hans helicopter service rate…” a rawn ti mauh mai a. Kum hei leh chen Mizoram chhunga service tawh ‘Pawan Hans’ hi a hre lo hrim hrim a nih loh chuan a thupuan turah rilru a pe lo hle tihna a ni ang. Ramhlun North leh Bawngkawn chhim veng inri-na, Tlak lui pawh “TLÂK LUI” a’n ti leh khauh bawk a. A puangtunu kha a hmelchhiat loh tehlul nen, hmasawn turin lo inzir deuh se \ha ka va ti ve. Zing Daifim news hi chu edit hman loh, live-a puan a nih hmel a, hriatthiamna thui tak chu kan nei thova, amaherawhchu, khaw hming lar ve tak tak leh lui hming, tlang hming kan lam zin deuh hote ang hi chu chhinchhiah tum ve sela. Hei bakah hian ‘Punctuation’ hi ngai pawimawhin, hman dik hram tum thar leh teh se. Hmasawn zel tura fuih chungin duhsakna ka hlan e. News reader-te han \ang leh sauh teh u.

9862047327

ZONET hi in programme a \ha-in a hmuhnawm bakah a changkang a, mahse in programme kara fakna hi a sound a ring thut \hin a, khawngaih takin fakna sound hi zawi deuh turin han adjust teh u.
Aizawl Nu

9612907066

Zonet Cable TV kalphung thara kal a nih hnu hian eng vangin nge maw ni TV entui lai tak te hian amahin a rawn in auto search leh ringawt \hin a, a chang phei chuan a rawn ti nawn deuh tluk tluk bawk \hin a, eng nge a chhan ni ang aw? Midang hi an ni ve tho em phei chu ka hre lova, a ngeiawm duh thei rapthlak.

8794835992

‘Kan vai rawih ho’ tih lam rik angin environment hi lam tawh teh u, ‘insual chingho’ tih ang ni lovin.
KLL-a

9436141804

Zaithiam leh hlaphuah thiam ZONET-a kawmna inneih \hin hi a hmuhnawm em em rualin, zaithiam leh hlaphuah thiam mai bakah a hla reng reng mawi vek bawk si, Rodingliana UPC Kohhran ami hi kawm ve a tan a va \ha ve.
Pa Dika

8575521455

Tun \um kan sorkar zet mai chu chaw chhia min ei tir leh \an ta maw, a va huphurh awm leh dawn ve. Sorkar hmasa buhfai an sem \ha lo ti a Zuangtui Godown an enfiah lai khan mipui thlavang an hauh nasat tehlul nen, tunah zet chuan mipui hian khawngaihtu leh lainattu a nei ta lo a ni e. Mipuite hi mahni inhampuar nan a hman chi kan ni tawh lo, nangmahni pawhin a in ei duh loh tur kha mipui hi min hlui bik suh u. Lungte leh a hum tam lutuk mai te hi kan ei thei bik lo a nia. Miin i chunga tih a duh tur ang bawkin mi chungah pawh ti ve rawh u.
RDA PA

9383102170

State khat Chief Minister meuhin HSLC-a a bial chhunga top ten-a tlingte chauh a chawimawi kha a va mak em! An veng Local Council emaw, VC te emaw tih ni se chu a inhmeh. Kan CM ber chuan ram pum huap mai awm. Sawm hnih chauh an ni si a, a rilru awm tawk vel a nih hi maw.

9856684894

Mi in luahin ka awm a, ka in luahna \henawm pa chuan ka inluahna pa ram chhungah Vawk in a rawn sa a, ka en liam mai mai. A chhan chu kei chu in luahtu ve mai ka ni a, ka ram a nih ve loh vang a ni. Keimah ang chiah hi Congress leh MNF party chu an ni. |henawm State a\angin kan ram an rawn nek reng a, chu mai a la ni lo, Chakma foreigner an lo lut reng a, Dan lovin khua an din bawk a. An enliam mai mai thei reng ringawt mai a ni. Neitu rilru an pu lova, an pumpui chiah an hmangaih.

8794603279

Vairengte daia chawlhbuk an sak pawh an \hiah sak ran em kha.
Sawmsawmi Pu

7005678161

Gospel Singer inti si, Pathian fakna hla tea thu leh a thluk pangngai tidanglama sa \hin ho hian hei hi inngaihtuah ngai em? PATHIAN fakna hla in sa ni lovin, Pathian fakna hla in suasamin intiduhdah a nih hi. Biak in chhunga in han sak duhdah ngat phei hi chuan chhuah nal nal mai hi ka duh \hin. Kan Pathian hian min thinrim khum tel ve ang tih ka hlau \hin.
PK Pachuau, Kolasib

9612691391

Tunlaia pangang, fall armyworm vaimim ei chhetu chungchanga Congress \halai hote chet lak dan kha a vai zia lutuk! Inven hman pawh a ni lo a. Hetiang politics tenawm lutuk hi a kham awm tawh, inhnialna thu atthlak inchawk chhuak \hin, Reverend fapate kha intel lehnghal a! Reverend lar ber te zing ami a ni lehnghal! Sawi nikhua chang pawhin miin an ngaisang lem lo. MLA thlanah pawh khingpuite hneh lo nasa ber a ni law mi kha?!
PAVALAI

8014499153

Mizo kan ni kan hmel a \ha, kan tum a sang bawk si. Hmel lam chu lo dah \ha ila tum san thilah erawh hranghluite hunah kha chuan a thleng dik takzet mai. Tunah erawh tumsan lam hawisanin a tua te pawh mai hian HMELCHHIAT hi kan hlau ta hliah hliah mai a. Hmel\hat hi kan tum ta em em mai a ni. Ram tan a ni emaw mahni tan pawh ni se tum va tihsan chiam dawn pawhin hmel\hat hle phawt hi a \ul ta tlat a ni ang kan \ang tlang hlawm em mai. Nula chu sawi loh, patlinga pumpa, tlangval ve ta zuah, Lipstick leh powder tel lova inchei mawi thei ta tlat lo te pawh kan pun belh zel a.
Tlangvala

9862349117

Chanchinbuah MCS pakhatin cheng nuai 37 chuang eirua lung in tan leh cheng nuai 5 chawi tura a chungthu rel a nih thu kan lo chhiar a. A zahthlak hle. MCS meuha inziak tling thei, hna lian tak thawka thla tina hlawh turu tam tham zet hlawh theia Pathian malsawmna dawngin a la eiru duh lai tak hi ka dem takzet. Mi dang dang pawh a ni aia eiru nasa man loh pawh an awm mai thei. Hei hi ka sawi duh, mihring chu kan bum thei, chung lam erawh kan bum thei lo. Enga tinge eisen loh hlawh chhuaktute hian mahni thawh chhuah loh sum kan la it cheu? Ka sawi mawi thei thlawt lova, ka dem bawk.
RK Sanga

9862366590