Fakselna (9th September, 2017)

0
260
views

Kan kawng chhiat em em zia hi chu aw. Midang inpuh kual hman kan ni ta lo ve, kan sawrkar hian a siam thei lo a nih chuan bang mai rawh se.
Kawng chhe ninga
————-

AMC organisation hi a va chhe awm ve. Hman ni lawkah kawng kama thu ziak an suasam chiam a, X AMC tiin. Hetianga an tihna, Durtlangah chuan an Councillor-in a hriatpui loh thu a sawi a. AMC Mayor lahin mak a tih thu a sawi bawk. Hetiang hi kan chet duh dan a nih chuan mipui hian AMC a hmuh dan a fuh dawn lova, mipuiin an thlawp lo mai ang. Thu ziak hnawksak lo, \angkai tak te an han thaichhe chiam thut mai hi chu a hnampui zia lo takzet.
RK Sanga
————

Zoram \hatna tur i duh takzet a nih chuan Congress leh MNF-ah hian buai buai duh suh. Manifesto \ha tak tak siam ai hian thinlung taka ram leh hnam hmangaih tak chunga rorel hian ram a siam \ha zawk ang. In \ha neih i duh chuan thingzai hlui i hmang leh dawn nge a tharin i thlak ang? A hlui i hman leh chuan engmah hi sawrkar \hat lohah puh lovin nangma \hat loh a ni tih hria ang che. ZORAM hi kan ta a nih hi a chhiat a \hatah mi tin hian mawh kan phur a ni tih i hre thar ang u.
PISI-a, Kolasib
—————

Kan pu hian a nupui hi MLA-ah hian dintir a tum em ni ang aw, heti khawpa TV-a kan hmu ngun? tih hi ka ngaihtuah ta fo mai. A nih loh vek pawhin naupang ngen takin kan inngen ang a, kan inhruai leh mai \hin em ni zawk?
9436958149
—————-

Party pathum \angrual chu in va hlau awm ve…an vel lo ang che u. Ram hruai tum ve tho an ni e.
Ruthii Pu
—————

Kan Sports writer ho hian kar leh Zirtawpni a\anga Premiere Futsal an \an tur hi Fixture kimchang takin rawn ziak vat teh u a.
Thangrimawia, Bungkawn Nursery
————–

In lo la hre lo a ni maw? UT kan nih tirh khan kan MLA-ten Assembly \hutkhawm hmasak berah ‘Lusei \awng’ kan tih \hin kha ‘Mizo \awng’, tiin an passed a, sorkar official \awng atan English nen hman theih ve ve turin an passed nghal bawk a. Chuta \ang chuan Mizo \awng kan tih hi kan lo nei ta a ni. A hma chuan Mizo \awng a ni lo, Lusei \awng a ni. Tuna Mizoram kan tih pawh hi tun hma chuan Lushai Hills tih a ni \hin. District Council kan neih hnuah Mizo District kan ti a, UT kan nih a\angin Mizoram kan ti ta a ni.
8413931575
—————

Road Tax, kum 15 atan la l^wk chunga kan kawng chhiatzia te, chutih laia kawng siam \hatna tur House-ah resolution pass duh leh loh te, Chakma kan buaipui laia Party thuneitu sanga appoint hlauh si te, mahni thisen zawmpui pawh ni se mahni party nih ve loh chuan engah mah ngaih loh te, zu zawrh dotu Pastor chu report tur tih te, kawng chhe lutuk Maxicab service dawn loh thu han hriatte hian thim thuah hnih an tih hi hei ai hian a lem chuang dawn em ni? Hei hi a ni lo’m ni thim thuah hnih ngei chu?
RUATSANGA RENTHLEI
—————

Chumi kha mi-ah chuan kawng a chhia, eng motor mah a kal thei tawh lo. Chutah chuan chu mite chu kawng chhe siamin an hnatlang. Chutah chuan kawng a chhiat em avangin Driver/motor neitu te an nuar. A THU NAWN, sawtah hla takah sawn NLUP/NEDP kan pu ROPUIA ten an sem. He ram mipuite chawh buai nan an ti nge, tuar belhchhah se an ti zawk? Kan pu HLUIA ten a mawiah a sakhming THLAVANG hauh nan an ti emaw ni, TOTAL BANDH ROPUI lutuk hmangin hnawh tawtah mi retheite min hnawh luh bo duak an tum. Anni ho pawh hi an LAL CHAK tawh pheng hi an za sek tawh mai a. COMPENSATION buaipui tur an ngah leh tawh nge, THLAM ROPUI te khan REPAIR an mamawh tawh hle zawk? Tun va hre suh.
Tlangvala
—————-

Ka duh aiin Zoram Peoples Movement chu an thawm a dai. Kan harsatna namen lo hi sorkar hnathawk hmanga chin fel theih a ni lo tih hria-in PWD leh Department pawimawh lo zet zet hi khar vek tiam sela ka ti.
Ram\ha duha
—————–

Sikul kai dan chungchanga STAM thil tih kha keini thingtlang lam chuan kan thlawp hle mai. Hei kum 3 vel chu kan han ti chhin a, mi nawlpui zawk chuan \ha kan la ti lo fo a nih hi a. Pumpui ulcer a tam phah hle. Vai chaw ei dan mila kan han ti ve ngawt hi chu a dikhlel hrim hrim a ni. Zing tho hma \hangte tho kha an la tho hma zel a, a tho tlai \hinte chu kumtluanin nu leh paten kan kaitho reng mai. Kan Mizo kalphung nen a inmil lo hrim hrim. Mizote chu \henawm khawvengte inlen pawh \hin, mitthi lumen \hin, zing kara mi dangte \anpuia hnatlang \hin hnam kan ni. Zing kara hnathawh dan tur rorela, \henawmte damlo tlawh leh kan \hin kan ni. Kan hnam ze pakhat thai bo kan tum mek niin a lang.
K. Hautea
—————–

Ram changkang, a taka sorkar chak tak ho hian kawng chhiat chhanah ruahtui an puh veng em? Fur khat pawh daih lo kawng an siam ve thiam ang em?
9774354495
—————–

Tunlai Mizoram kawngpui chhe lutuk hi Pu ZONET, a van manganthlak ta lutuk ve aw. Ni 14.9.2017, Ningania mipui thlavang hauh nana ram pum total bandh neih tur hian ngaihven a hlawh lawk leh hle. Hetih lai mek hian ni khat lek inhlawhfa lova eichawpah pawh buaite dinhmun hi kan ngaihtuah a pawimawh hle mai. Tun anga total bandh ti lo hian rorel lai Ministry fawng vuantute mawh a nih avang hian pawn Congress MLA zawng zawng pawn chhuah phal loh ti ta zawk sela, a \ul dan a zirin an Bungalow leh quarters kawtah duty indah ni ta se, a chiang zawk mai lovang maw tihte ngaihtuahnaah a awm. Pu ZONET, engnge i ngaih ve dan?
Jonathana Pa, Vaivakawn
——————-

MKHC lam te, CYMA lam te pawh hian kan kawngpui chhe lutuk hi au chhuahpui a hun lo maw? Party thila inepna lam ni lovin, ram mipui mamawh tak meuh a ni a, a veiawm in ti ve lo maw?
9862321957
——————