Faridabad-a Asaoti polling station-a duty pakhat Giriraj Singh man a nih hnuah Election Commission-in he polling station ah hian vote thlak \hat leh a nih tur thu a puang.

0
47
views

Giriraj hian vote thlak tur hmeichhe 3 te dik lo taka a lo kaihruai lai video thlalak thehdarh a nih hnuah man a ni. Giriraj-a chuan hemi khua-a hmeichhiate hi ziak leh chhiar thiam lo an nih avangin \anpui a tum nia sawiin vote thlakna khawl bula kal hi inthlan dan bawhchhiatna a ni tih pawh a hriat loh thu a sawi a, video-a hmeichhe pakhat chuan lotus chhinchhiahnaah hmet tura a hrilh thu a sawi a, ani chuan ama duhthlanna a nih thu leh a duh tak a vote tur thu a hrilh niin a sawi a, vote a thlak zawh hian a fanu dam loh vanga in lamah hmanhmawh taka a haw thu leh hei vang hian polling booth-a duty dangte hnena thil thlen dan hi hrilh lo a nih thu a sawi.

Election Commission chuan Indian Penal Code leh Representation of the Peoples Act hnuaiah Giriraj-a laka hian FIR ziak lut turin thupek a chhuah a, he polling station-a duty polling party hotu Amit Atri lakah pawh thubuai siam tum a nih thu a sawi. Micro-observer Sonal Gulati chu kum 3 chhung inthlanna nena inkungkaih hna reng reng thawk rih lo tura tih a ni a, heng bakah hian he thil thleng chungchang endiktu returning officer pawh sawnin a aiah IAS officer Ashok Kumar Garg dah a ni.

He polling booth-ah hian thawh 7-na rualin ni 19 khian vote thlak \hat leh a ni dawn a ni.