Foreign Minister Sushma Swaraj-i’n vawiin khan UAE khawpui Abu Dhabi-a Muslim ram hrang hrang inzawmkhawm pawl, Organisation of Islamic Cooperation, OIC inhmuhkhawmah thu a sawi a, a firfiaka chetna do kawngah OIC ramte chu inthurual lehzual tur leh a hma aia khauh lehzual turin a ngen.

Swaraj hian Pakistan ram hming sawi telloin, a firfiaka chetna do tak tak tur leh mihring mihrinna humhim zel tur chuan mi firfiakte hi sahimna emaw \anpuina eng ram mahin a pek loh a pawimawh hle tih a sawi a, an rama mi firfiak pawlte’n awmhmun an lo khuar tawh pawh an tihchhiat sak tur a ni a ti bawk a, hei hi Pakistan a sawina a ni. Tun hi OIC khawmpuiin India a sawm \um khatna a ni a, sawmna hi sut leh turin Pakistan chuan nasa takin a bei a, hnawl a nih hnuah Pakistan Foreign Minister, Shah Mahmood Qureshi chuan khawmpui hi a chhim ve loh tur thu a puang ta a ni. Swaraj hian Abu Dhabi hi ningani khan a thleng a ni.