Frequently Asked Questions

Set Top Box Chungchang

TV mur/lang lo
TV i tihnun a, ZONET logo sen a hnuaia mi takngial pawh a lang lo emaw, a mur ringawt anih chuan, i TV source thlan a dik lo palh a ni thei. TV/AV tihah khan AV Cable hmang tan ‘AV’ tihah emaw HDMI cable hmang tan ‘HDMI’ tihah emaw dah a ngai thin. Hetiang i tih hnua a la dik lo a nih chuan i set top box a chhia a ni thei a, nangmahni bialtute i hriattir thuai dawn nia.
Channel lang kim lo

Channel lang kim lo a awm palh thei a, i STB remote atang khan MENU-ah kal la, enlenna lem langah khan i kal leh anga, auto search tih kha i thlan hnuah OK i hmet ang a, i TV screen-a auto-search tih OK (CONFIRM) tih a lo lan hnuah OK kha hmeh nawn leh tur a ni. I channel in search chhung i nghak dawn nia. Hetianga i tiha a la lang kim thei lo anih chuan i signal dawn a chak tawk lo a ni thei a, nangmahni bialtute i hriattir thuai dawn nia

Unidentified Card

I Tv-a UNIDENTIFIED CARD tih a lo lan chuan i smart card i vuah letling emaw i vuah dik lo emaw a ni palh thei a, i vuah dan han thlak la, a la tha thei lo anih chuan i set top box-in card a hmu dik thei lo palh a ni thei a, nangmahni bialtute i hriattir thuai dawn nia.

This Card Is Not Paired With This STB

I TV-ah This Card Is Not Paired With This STB tih a inziah chuan, i set top box leh smart card a in thlunzawm lo tihna a ni a, a rang thei ang berin nangmahni bialtute hnenah hriattir tur a ni.

No Entitlement

I TV-ah NO ENTITLEMENT tih a lo lan chuan, i package lak tihnun a ni lo tihna a ni a, hei hi fee pek that loh vang emaw, enge maw kalsual palh vangin a awm thei a, nangmahni bialtu i hrilh thuai dawn nia

No Signal

I TV-ah NO SIGNAL tih a lo lan chuan, a hmasa berin i Set Top Box leh signal i lakna (RF cable) a inthlunzawm em tih i fiah hmasa ber dawn nia. Hetiang nghet lo emaw in phawi emaw vangin i Set Top Box-ah signal a lut lo tihna a ni thei. Hetiang zawng zawng hi i check a, a that vek chuan i line lakna lamah chat emaw, chhia emaw a awm palh a ni thei a, nangmahni bialtute i hriattir thuai dawn nia.

Please Insert Smart Card / Smart Card Invalid

I TV-ah Please Insert Smart Card emaw Smart Card Invalid tih a inziah chuan, smart card a invuah leh vuah loh en hmasa phawt ang che. Smart Card a awm ngei anih chuan, phawi la, a chip awmna lam kha puannêmin hru fai la, i vuah tha leh dawn nia. Card in vuahna lai vel bawlhhlawh leh khu-in a bawh vang emaw, card vuah that loh vang emawin a ni thei. Hetiang i tih hnua a la tha lo anih chuan nangmahni bialtute i hriattir thuai dawn nia.

A chunga FAQ tarlante hi hrechiang duh tan 1800-345-3796 (toll free) ah office hour chhungin zawhfiah theih reng a ni e.