German Chancellor Angela Merkel in Europe ram hruaituten ram dang a\anga dan lova pem lut \hinte chungchangah khuahkhirhna mumal tak an duan chhuah thuai a tul tih a sawi.
Germany Parliament ah thu sawiin, European Union chuan pemlut \hinte chungchang hi mumal taka a ngaihtuah fel a hun a ni a ti a, Africa ram a\anga Europe rama pem lut \hin te chungchang hi EU chuan a ngaihtuah dawn a, hetianga pem lut \hinte hian mediterranean tuipui kaltlangin mahni nun thapin, Europe ram hi an pan \hin a, Africa bakah hian Syria ram chhung indona tlan chhiat san tumte pawhin Europe ram hi an pan nasa hle a ni. Chhinchhiah dan chuan Mediterranean tuipui kaltlang hian kumin chhungin Spain ah mi 17,045, Italy ah 16,326 leh Greece ah 13,120 an pemlut a, Italy leh Greece te chuan dan lova pemlut leh raltlan hi an nei tam zual a, Europe ram dang ten an chhawk zangkhai ve an phut a ni.
