Congress MLA bang ta, 10 te hi New Delhi-ah kalin nimin khan BJP an zawm fel tawh a, an zinga mi Kavalekar leh Chichael Lobo te chu Minister-a lakluh an nih rin a ni. Congress MLA hel te hian New Delhi ah BJP working president JP Nadda an hmuh hnuah Goa hi an pan leh tawh a, Chief Miniister Sawant-a hi New Delhi ah sorkar thil pawimawh tiin a thang ve mek bawk a ni.
Kum 2017-a Goa Assembly inthlanpuiah khan party mala sorkar siam thei an awm lo a, Congress chuan seat la tam ber mahse, seat 13 latu BJP in \angsual sorkar an din a, Congress MLA 10 an ban takah hian Congress chuan MLA 5 chauh a nei ta a, member 40 awmna assembly ah hian BJP chuan member 27 a nei phak ta a ni.
Congress party chuan BJP chu mipui rorelna palzut a, sum leh therhlo hmanga MLA te thlemah a puh a, Goa Chief Minister erawh chuan Congress MLA te hian anmahni duh thu ngeiin, intiamkamna awm lovin BJP an zawm a ni a ti ve thung.
