Government High School Tlabunga headmaster tiamin post ruak hrang hrang hnawh khat turin Mizo Zirlai Pawl, Sub-Hqrs. Tlabung-in Mizoram Sorkar an phut.

0
340
views

Vawiin khan Tlabung MZP-te hian thawktu indaih loh vanga harsatna tawk mek nia an hriat Gov’t H/S Tlabung tlawhin an dinhmun an zirchiang a; tun dinhmunah headmaster pangngai dah a nih loh bakah, kum 2010 hnu lama zirtirtu nghet sawnchhuah mi pathumte aiawh tur tun thlengin dah a la ni lo niin an sawi.

Tlabung MZP hruaitute chuan, Gov’t H/S chu an biala Sorkar enkawl High School pangngai pahnih zinga pakhat a nih avangin an khua bakah a chhehvel khaw hrang hrangin an chhawr tih an sawi a, thawktu indaih loh avangin zirlai eng emaw zat chu hnawl an nih phah niin an sawi a, HSLC exam centre ni mah se, LDC an neih loh avangin harsatna an tawk a, Social Science leh Mathematics subject zirtirtu an awm loh avanga zirlaiten an tuar nasa hle a ni an ti a, Sorkar chu an harsatna tawh mek sutkiansak thuai turin an phut tih an sawi.