Greece hmar lamah thlipui na tak a tleh avangin mi khualzin 6 a thi a, midang 30 chuang an hliam.

0
38
views

Thlipui na tak, ruah leh rialin Thessaloniki khawpui bul Halkidiki hmun a nuai a, Czech mi nupa chu an chuanna motor thliin a lak avangin an thi a, Romania mi pahnih leh Russia mi pahnih te pawh an thi bawk. He chhiatna thleng avang hian emergency puan nghal a ni a, chhanchhuah hna thawktu te tirh luh nghal an ni. Greece hmar lama sorkar hotu Charalambos Steriadis chuan thlipui tleh thut hi tunhmaa an la tawn ngai loh leh inrinlawk ngaihna pawh awm lo a ni a ti. Thlipui a tleh hma ni hnih chhung chu Greece hi khawlum lutukin a ti buai hle a, hmun \henkhatah chuan celsius degree 37 vel a kai chho a ni. Chiatna thlentu thlipui tleh thut hi minute 20 chhung vel chauh a tleh a ni.