Gujarat IAS officer chu High Court Judge hnena Whatsapp hmanga thu a thawn vangin thupha chawi tura tih a ni

Gujarat-a IAS officer, Vadodara Municipal Commissioner ni mek, Vinod Rao chu Gujarat High Court Judge hnena Whatsapp hmanga thu a thawn avangin thupha chawi tura tih a nih bakah, na taka khak a ni. Vinod Rao hian Vadodara khawpuia in thiah a tum chungchanga thubuai kal mek chungchangah Judge, RH Shukla chu whatsapp hmanga biak a tum a, Judge chuan nimina thubuai a ngaihtuah chhunzawmna-ah hei hi dan kalh a nih thu leh, IAS officer chuan he dan hi a hre tur nia a ngaih thu a sawi a, thubuai nei lai reng rengin Judge an biak a thiang lo tih Vinod Rao hi a hrilh bakah, a thiltih avang hian thubuai dang hial pawh siamsak theih a nih thu a hrilh bawk a, Thawhtanni-ah thupha chawina thehlut turin a ti bawk a ni.