Rengdil Playground-a Zawlnuam Zone Football Association leh Kawrthah Zone Football Association tangkawp te buatsaih Hachhek Constituency MLA Cup vawi 4-na chu Bialtu MLA, Adviser to CM Pu Lalrinmawia Ralte in nimin khan a hawng.
Pu Lalrinmawia Ralte chuan thalai infiammite chu hmasawn zel tum tura fuihin mi tih ang chu an ti ni ve thei a ni tih ring tlat chunga taihmakna leh tumruhna nen tanla zel turin a fuih a ni. Hachhek Constituency MLA Cup-ah hian khaw 25 atangin Team 26, 1st Division Team 14 leh 2nd Division Team 12 an tel a ni.
