Haryana Congress hruaitu, Vikas Chaudhary chu Faridabad-ah mi tu tih hriat lohten an kaphlum.

0
531
views

CCTV-a a lan danin kum 38 mi Chaudhary hi Gym-a a kal haw lam a car chhunga a lut chiah chu heng misualte hian lo beiin, a car tukverh darthlalang chanah an kap a, Chaudhury hi rang takin Damdawi in panpui ni mahse, thlenpui anih chuan a thi hman tawh a ni.

Police te sawi danin tualthattute hian silai vawi 10 lai an kap a. He tualthahnaa hian mi 4 an inhnamhnawih nia hriat a ni a, heng mite hian Maruti Suzuki SX4 an hmang tih hriat a ni.

Hetihlai hian Congress chuan Haryana CM, Manohar Lal Khattar kaihhruai BJP sorkar hnuaiah dan leh thupek kenkawh dan a \ha tawk lo a, dan hlauh nachang hre lo an pung niin an sawi a, nimin pawh khan hmeichhe chunga mawi lo taka chetna a thleng tih an sawi a, BJP sorkar chu a rang thei ang bera heng pawikhawihtute hi zawng chhuak turin an phut a ni.

Congress chuan he thil thleng hi pawi an tih thu Twitter-ah an tarlang a, hetianga rawng taka inthahna thleng hi a thinrim thlakin a lungchhiathlak takzet a ni an ti a, pawikhawihtute chu zawng chhuak vata, a na thei ang hremna pe turin sorkar an phut a, Chaudhary chhungte an tawrhpuina thu an sawi bawk.