Thla hlui, December ni 22-a Sangau III mi, HC Lal\hamawii, thih dan pangngai lova a thih chungchangah Sangaua Lai Women Association Branch 6 \angrualin vawiin khan lungawi lohna entir nan Sangau khaw chhungah kawng an zawh. Kawng zawhtute hian HC Lal\hamawii chu a pasalin a sawisak avanga a hliam tuar lova thi ni ngeiin an sawi a, na taka sawisatu, a pasal, V. Nghakmawia chu phu tawka hrem ngei turin thuneitute an ngen a ni. Pi HC Lal\hamawii, kum 26 mi hi na taka sawisak a nih hnuah Siaha Nursing Home-ah dah a ni a, December ni 22 zan khan a hliam tuar lovin a thi a, a ruang hi Siaha District Hospital-ah Doctor-ten an endik hnuah Sangau-ah vui a ni. HC Lal\hamawii hi thih dan pangngai lova a thih chungchangah hian a chhungte chuan Sangau Police Station-ah FIR an thehlut a, hemi hma hian a pasal, V. Nghakmawia hi Sangau Police Station-ah a inpe bawk a, a nupui chu a thah ni lovin ina a tlak vang leh rannung seh vanga thi niin a sawi a, Police te chuan amah hi manin IPC Section 354, 498-A leh 304 tlawh chhanin thubuai khirh tak an siamsak a, Lawngtlai District Jail-ah dah tawh a ni. Pi HC Lal\hamawii leh a pasal hian fa 2, kum 3 mi leh kum 2 mi an nei a ni
