Health Minister thar Dr. R Lalthangliana’n vawiin a pisa luah \anni khan chanchinbumite thingpui inpuiin, \ha taka sorkarin hna a thawh theihna tura thawhpuiah a sawm.

0
111
views

Higher and Technical Education leh Commerce and Industries changtu ni bawk, Dr R Lalthangliana chuan sorkar \ha, mipui nena inzawmna nghet din tura chanchinbumite pawimawhna sorkarin a hriat thu sawiin, \ha taka an hna an thawh theihna tura an mamawhte pawh sorkarin ngaihtuahsak zel a tum dawn tih a sawi a, chanchinbumite ham\hatna tur chu MNF sorkarin hmasawnna huapzo thawhna tura ruahmanna a siam, SEDP hnuaiah pawh chanchinbumite hmasawn zelna tur chu dah tel a nih thu a sawi.

MJA President Pu Zonunsanga Khiangte chuan Journalist ten pension scheme an neih theihna turin sorkar sum ti hek lutuk lova, ruahmanna siam theih a nih thu a sawi a, sorkarin a tirah bank-ah sum a dah sak theih chuan chumi a\anga a pung tlingkhawm leh journalist te thawh belh ve te hmangin pension hi pek theih a ni dawn tih a sawi a, Minister chu a kawng dappui turin a ngen a ni.

Dr R Lalthangliana hian MJA in Charity Fund a lakkhawm mekah Rs. 10,000/- a chhunglut nghal a ni.