High Court Judge 25 ruat belhna thupek chhuah

Nimin khan High Court Judge 25 ruat belhna thup>k chhuah a ni a, Allahabad High Court-a thawk turin 19, Calcutta High Court-a thawk turin Judge thar 6 ruat an ni. Allahabad High Court-a thawk tura ruat tak, dan hre mi 19 te hi kum khat kal ta vel khan Supreme Court collegium-in a lo rawt tawhte an ni a, mahse sorkarin ngaihtuah nawn leh atan vawi hnih a thawn kir a, mahse Supreme Court collegium-in a ngai bawkin a thawn l>t zel a, a vawi thumnaah chuan pawm an ni ta a ni. Allahabad high court-ah hian Judge 160 an awm thei a, tun thla tir thleng khan 91 chauh an awm a, tunah hian 19 p>k belh an ni chungin Judge awm thei zat chu an la tling lo nasa hle dawn a ni. Calcutta high court-ah pawh hian Judge 72 an awm thei a, 31 chauh an awm a, an indaih lohna hi 41 lai ni mah se, 6 chauh p>k belh an ni. Tuna ruat belhte hi Additional Judge an ni a, kum hnih vel hnuah Judge nghetah dah an ni \hin a ni. High Court 13-in Judge nghet leh Additional Judge, a vaiin 61 ruat belh an rawtna pawh Supreme Court collegium-ah a la inchiah mek a ni.