Kashmir-a thawm na tak, Hizbul Mujahideen mi firfiak pawl hruaitu lu berte zinga mi, Abdul Qayoom Najar, Jansahib tia hriat bawk chu Uri-a Line of Control bulah nimin khan kah hlum niin police leh sipaiten an sawi. Sipai thupuangtute chuan Najar-a hi kum 1999 a\ang khan pawi khawihna thilah a inhnamhnawih \an niin an sawi a, kum 2015 khan Pakistan ramah a tlanchhiat hnuah, an pawl hi enkawl chhunzawm leh tumin a lo kir leh niin an sawi a ni. Najar hi police, sipai leh civil mi eng emaw zat thihna tam takah a inhnamhnawih a, mi firfiak pawl a zawm hma hian a thlalak leh chanchin chhui theihna tur reng reng a tihchhiat vek vangin a hmel tak pawh sipaite hian an hre thei lo reng a, a lu man atan nuai 10 dah a nih bakah, thuneitute pawhin man an duh berte zinga mi a ni.
