Hmeichhe naupang pianghlim, Plastic bag-a thun, US hmun pakhata chhar chu fa-a lak tumtu an tam hle.

0
2461
views

He nausen hi a hming lem, ‘India’ tih phuahsak a ni a, June ni 6 khan Georgia hmun pakhatah chhar a ni a, a \ap ri hriain a bulhnaia cheng ten police an biak pawh hnuah police te hian plastic bag-a inthun he hmeichhe naupang hi an chhan chhuak a, police te hian a nihna hriat chhuah theih beiseiin, an chhan chhuak lai video-a lak hi mipui hmuhah an ti chhuak a ni.

Nausen hi damdawiin-ah hruai nghal a ni a, a hriselna a \ha a, a ni telin a buk pawh a rit chho zel a ni. Hapta thum ral hnuah he nausen hi a nui thei tawh a, tunah hian nausen enkawlna hmunah a awm mek a, chenna tur nghet chhungkua a neih hma chu a awm rih dawn a, Georgia division of family and children services-a Director Tom Rawlings chuan he nausen fa-a lak duh an hnena ngaihventu an tam hle tih a sawi.