Hmeichhia 22 in an poweder siam an hman avanga chi bawm cancer an vei nia an sawi chungchangah Johnson & Johnson chu dollar Tld 4.7 chawi tura tih a ni

0
757
views

US state pakhat Missouri-a roreltu jury te chuan he thutlukna hi siamin zangnadawmna dollar Mtd 550 chawi tur leh hremna Dollar Tld 4.1 chawi turin Company hi a hriattir a ni. Naupang powder an siam chhuah an hman avanga harsatna tawk nia insawi ten Johnson & Johnson laka thubuai an thehluh hi a vaiin 9,000 zet a tling a, tuna hremna an pek hi company chuan a lungawi thlak loh hle tih sawiin, court sang zawka zualko an tum tih an sawi ve nghal a ni. He thubuai hi hapta ruk chhung ngaihtuah a ni a, heng cancer natna vei nu ho leh an chhungte chuan kum 10 chhung baby powder an lo hman tawh avangin cancer natna hi an vei phah a ni an ti a, a khingtu nu 22 zinga paruk te chu chi bawm cancer vang hian an thi tawh a ni. An aiawha ding danhremi chuan kum 1970 a\ang tawhin company hian powder an siamah bawl hlo hlauhawm chikhat asbestos a awm tih an hre daih tawh a, hre reng chungin an hmang lui a ni a ti.