Amit Shah hian ramdangmi te hi international law hnuaiah danin a sawi anga thawnlet vek an ni ang a, khua leh tui dik takte chhinchhiahna National Register of Citizens pawh BJP election manifesto-a chuang anih avangin rampumah kalpui a ni dawn tih Rajya Sabha rorel inkhawmah a sawi a ni.
Amit Shah hian NRC chu Assam Accord-a chuang anih piah lamah BJP election manifesto zinga tel a ni a, sorkar chuan ram chhung kil tin dap chhuakin, ramdangmi dan lova awm te a zawng chhuak ang a, international law hnuaiah thawn let vek an ni ang a ti. NRC hi supreme court vilna hnuaiah Assam ah kalpui mek a ni a, tun thla ni 31 khian tarchhuah tum a ni.
