Home Minister hian nimin khan Mamit- Police hmun te leh sorkar Deptt. dang hmun te a tlawh a, Luangpawla 4th IR Bn. hotuten post ruak hnawhkhah loh an neih dan an lo hrilh chu chhangin Home Minister hian tun sorkar kum kallai chhung hian Armed, Un-Armed leh a dang police 700 vel lak belh tum a ni a ti.
Home Minister hian ram venhimna kawnga thawktute chu zu leh ruihhlo dang laka fihlim tur leh an taksa enkawl uluk turin a chah a, Mizoram mi leh sa, Tuikukte hruailet hna thawh leh turah lawm taka lo dawngsawnga, rilru zau taka lo lawm turin mipuite a chah bawk a ni.
Home Minister hi Mamit Bawrhsap Dr. Lalrozama leh SP Pu Shashank Jaiswal ten an lo dawngsawng a ni.
