Home Minister, Pu Lalchamliana’n Myanmar a\anga raltlan 230 vel an awm tih loh chu Mizoramah Foreigner an awm leh awm loh a sawi mai thei lo tih a sawi.

0
398
views

Vawiin Assembly Budget Session-a MNF member, Pu H. Lalzirliana zawhna kal zela ZPM member, Dr. Vanlalthlana’n tun dinhmunah khualzin ni lo Mizorama Foreigner an awm leh awm loh a zawhna chhanga he thu hi sawiin, Myanmar a\anga raltlan te tih loh foreigner an awm leh awm loh hi a sawi mai thei lo tih a sawi a. Home Minister chuan, tunah hian Myanmar a\angin Mizorama raltlan mi 230 vel an awm tih a sawi a. Heng mite hi tuna an awm meka Lawngtlai District Bawrhsap Pisa leh Sipai lam chhinchhiah dan a inang lova, report pakhat chuan Myanmar raltlante hi mi 238 an nih thu a tarlan laiin, report dang chuan mi 228 angin a chhinchhiah thung a ni, a ti a. Heng mite chungchangah hian tun hnai khan Sorkar laipui a\angin hriattirna khauh tak dawn a ni a, chutah chuan Myanmar raltlante chu an ram lama thawn haw tura tih an nih thu leh a \ul a nih chuan tharum pawh hmang mai tura tih an nih angin thawn haw an nih theih nan hmalak mek a ni a, tunah hian endik hna thawh mek a ni a ti.

ZPM Group Leader, Pu Lalduhoma zawhna chhangin Home Minister, Pu Lalchamliana chuan, tun dinhmunah Mizoramah ILP nei hnam dang 21,757 an awm tih a sawi a. Mizorama awm mek hnam dang zingah ILP nei leh nei lo a khat tawka endik \hin a ni a, kumin January a\anga May thla chhung khan ILP nei lo mi 1,893 manin an ram lama thawn let an ni a, ILP nei leh nei lo awlsam zawka hriat an nih theih nan leh dan dik taka kalpui a nih theih dan tunah hian ILP pek chhuah dan chu Computerize tura hmalak mek a ni, a ti. Pu Lalchamliana hian, ILP chu dik taka kalpui a nih theih nan hnam dang Sponsor \hinte pawhin an mawhphurhna an hriat chian a ngai a ni, a ti a. Hei hi fimkhur taka kalpui a nih theih nan Department chuan hnam dang Sponsor-tute tan Awareness Campaign pek a tum tih a sawi.