Hong Kong buaina-a man tawk, zirlai hruaitu Joshua Wong-a’n Jail a\anga chhuah a nih hnuah Hong Kong hruaitu Carrie Lam chu bang turin a phut.

0
99
views

Kum 22 mi Wong hi kum 2014-a Hong Kong-a mipui thlan sorkar din anih theihna tura beihpui thlaknaah pawh hruaitu a lo ni tawh a, tun \umah hian pawikhawiha puhte China-a thawn theihna Dan thar siam tum duh lovin Hong Kong mipuite hian lungawi lohna an lantir leh a ni. Lungawi lohna lantirtute lam sawidanin Pathianni-a kawngzawh an huaihawtah mi maktaduai 2 zet an thawk chhuak a, police te erawh chuan mipui pungkhawm hi mi 338,000 niin an sawi thung. He Dan thar siam tum hi a tlang anih chuan Hong Kong mipuite chu China inrelbawlna dan khauh leh \ha lo tak lakah an him dawn lo niin lungawi lohna lantirtute hian an sawi a, tunah hian thuneitute chuan he Dan hi pass tum hi ti khawtlai rih mahse, paih hlawk anih hma chuan lungawi lohna lantir mek hi tawpsan an tum lo tih an sawi.

Tuna zirlai hruaitu chhuahtir tak Wong-a hi kum 2017 leh 2018 chhova sorkar nawrna, umbrella movement tia sawi kaihhnawiha man a ni a, a tan hun tur pawhtawi sak anih avangin Jail a\anga chhuah a ni a, Jail pawna chanchinbumiten an lo kawmnaah Carrie Lam-i hian Hong Kong hruaitu nih a tlin tawh lo a, buaina chhuak hi a mawhah lain a bang tur a ni a ti.