Nilaini-a police leh lungawi lohna lantirtu mipuite an innawrna hmun sorkar hmun pawimawh bulah te tukin khan mipui tam tak an pungkhawm leh a, lungawi lohna lantirtute hian pawikhawiha puh te Hong Kong a\anga China-a thawn theihna tur Dan siam tum chu an dodal a ni. He dan sawihona hi Hong Kong Legislative Council ah Nilaini khan sawiho tura ruahman ni mahse sorkar chuan a ti khawtlai rih a, engtika sawiho leh tur nge tih a sawi lawk theih rih loh a ni.
Legislative Council member te Dan sawihona-ah hian an tel theih lohna turin mipui pungkhawm hi kawtthlerah pungkhawmin motor kawngpui te an dan bakah sorkar pisa pawimawh zualte an hual bawk a, Police te pawh mipui nena innawr inringin an thuam famkim nen an duty bawk a, nimin lama buaina chhuakah khan police te chuan mittui tlakna hlo leh \helret silaimu te hmangin mipui pungkhawm hnawhdarh an tum a, zan lamah mipui pungkhawm hi an \in darh a ni. Kum 15 leh 66 inkar mi 72 zetin hliam an tuar a, mi pahnih chu an dinhmun a \ha lo zual a, hliam zingah hian police 21 an tel a, an zinga 9 chu damdawiin panpui ngai an ni.
