Hong Kong uruaitu Carrie Lam-i’n pawikhawiha puhte China-a thawn let theihna tur dan putluh anih chungchangah ngaihdam a dil a, he Dan hi pass a nih a rinawm loh tih a sawi.

He Dan thar siam tum dodal hian Hong Kong mipui maktaduai telin lungawi lohna an lantir a, heng mite hian Bill hi hnuhlet an phut bakah Lam-i hi bang turin an nawr a ni. Lam-i hian a thusawiah bill hi hnuhlet a ni ang tih a tiam lo a, mipuite rilru a hmin hma chuan putluh a ni lo ang tih erawh a sawi thung. Hong Kong hi kum 1997 a\angin China ram bung pakhatah dah luh nimahse, inrelbawlna hrang nei a nih avangin China ram chhunga mipuiten zalenna an neih phak loh \hahnem tak Hong Kong mipuite hian an nei a ni. He Bill sawiseltute chuan pass anih chuan China dan \ha lo leh him lo tak hnuaiah Hong Kong chu a tlu lut dawn a ni an ti a ni. Lam-i hian kar kalta khan he bill hi a hnuklet lailawk a, Pathianni ah pawh lungawi lohna lantirna lian tham tak a thleng zui leh a, hetah hian mi maktaduai 2 an pungkhawm niin a huaihawttute chuan an sawi. Hong Kong Chief Executive Lam-i hian an ram buainaah hian a mawh a phur tih a sawi a, mipuite hnenah ngaihdam a dil tih a sawi.