Durtlanga ICFAI University-ah vawiin khan Political Party hrang hrang aiawhte kawm an ni a, kumina Mizoram Assembly inthlanna neih tura an party Policy leh Manifesto te sawi tir an ni. Political Science huaihawta he sawihona buatsaih hi Political Science Head of Deptt. Pi F. Lalramhluni’n a kaihruai a, hetah hian Assistant Prof. Pu Lalnundika Hnamte chuan sawihona an buatsaih chhan a sawifiah a, hemi hnu hian Pu Adam Saprinsanga, Journalist kaihhruaiin Political Party hrang hrang aiawhte chuan minute 10 chhung theuh anmahni Party Policy leh Manifesto an sawi a, Party hrang hrang aiawha thusawite hi
MPCC aiawhtu, Gen. Secretary, Pu Parliantluanga, Mizo National Front aiawhtu, Pu Lalruatkima, MLA, PRISM President, Pu Vanlalruata, ZPM Steering Committee Member, Pu B. Lalchhanzova leh BJP Thalai President, Dr. Zonunsanga te an ni. Heng mite hian mipuite lam atanga zawhna awm an chhang bawk a ni.
