India Eastern Territory-a Youth & Children Department-in Basic Child Protection Certificate course Training a buatsaih

0
791
views

Chandamna Sipai pawl International Headquarters-in ruahmanna a siam angin India Eastern Territory-a Youth & Children Department-in vawiin a\ang khan Tuikual South-a CHAN Conference Hall-ah Naupang enkawl rawngbawlna lama thawktute tan Basic Child Protection Certificate course Training a buatsaih a. A hawnna inkhawma thusawitu India Eastern Territory-a Territorial Commander, Commissioner Lalzamlova chuan, naupangte chu him taka Pathian hnen thlen tur an nih thu leh Pathian hmangaihte enkawltu an nih avangin an fimkhur a \ul hle tih a sawi. He Training-ah hian State Child Protection Society-a Programme Manager, Pi Amy Lalrinpuii, Secretary for Programme Administration, Lieut. Colonel Zothanmawia, Territorial Youth Secretary, Captain K. Lalrinpuia, Children Officer leh Captain Charles Chalrimawia’n danin naupangte a humhalh dan leh Salvation Army India Eastern Territory Child Protection Policy chungchang an sawifiah a ni. Training hi naktukah chhunzawm leh a ni ang.