India Navy Officer Kulbhushan Jadhav-a ram enthlatu leh firfiaka chetna-a inhnamhnawiha puha Pakistan court in thi tura a chung thu rel chu India-in rorelna sang zawka ngaihtuah a dil a, he thubuai hi International Court of Justice in a ngaihtuah dawn.

0
33
views

India chuan Kulbhushan Jadhav-a hi thil phuahchawp hmanga thiam loh chantir a ni a ti a, International court of justice chu Pakistan court thutlukna sut leh turin a ngen a ni.

Kum 49 mi, Kulbhushan Jadhav hi Pakistan-ah kum 2016 March thla khan enthlatua puhin man a ni a, Pakistani Military Court chuan thi turin a chung thu a rel a ni. Hei hi India-in a hriat veleh Pakistan chu world court-ah a khinglet a, Pakistan thutlukna chu kum 2017 May thla khan Court-in a ti khawtlai nghal a ni.

Pakistan chuan security force-in Jadhav chu Balochistan ram chhungah an man niin a sawi a, India chuan Jadhav hi Navy a\anga a chawlh hnuah Iran-ah sumdawnna lam buaipuiin a kal a, heta \ang hian rukbo a ni tih a sawi ve thung a ni.

Kum 49 mi Kulbhushan Jadhav hi navy officer hlui a ni a, kum 1987 ah navy ah hian lutin 2001 ah a pension a, sumdawnna lam a buaipui a ni. Pakistan sipai ten kum 2016 march ni 3 ah khan ram enthlatu-a puhin an man a ni.