Indian Air Force hotupa, Air Chief Birender Singh Dhanoa chuan vawiin khan Rafale indo thlawhna lei chungchangah sorkar laipui emaw Indian Air Force emaw a inrawlh lo niin a sawi.

0
665
views

 

Dhanoa chuan he inremna ti titlu tur hian Rafale indo thlawhna siamtu company Dassault zawkin thuneihna tawp a neih thu leh a thawhpui thlan pawh an kuta awm a nih thu a sawi a, tun \uma indo thlawhna 36 lei a nih dawn Indian Air Force chu \um eng emaw zat biak rawn an nih thu a sawi bawk a, Hindustan Aeronautics Limited, HAL thawhpui loa Anil Ambani-a company, Reliance Defence zawk Dassault-in a thawhpui chu tu thiamloh mah a nih loh thu leh HAL zawkin a thil siam chhuahah a tum hlen thei mahse, chet muan chang a ngah hle niin a sawi bawk a ni.

Dhanoa chuan Rafale indo thlawhna chu an hlawkpui hle dawn niin a sawi a, Indian Air Force-in ralthuam a lei belh duh zingah pawh tarlan a nih thu te leh he indo thlawhna hian boruak pawh a thlak hneh hle dawn niin a sawi bawk a ni.