Indian Medical Association, Mizoram State Branch Annual Conference vawi 41-na chu vawiin khan Aijal Club-ah neih a ni a, Health Minister, Pu Lal Thanzara’n hmanpuiin, Doctor-te chu an thawhna hmun hrang hrangah mipuite tana thawk an ni tih hre reng turin a chah a, Falkawna Referral Hospital, Medical College-a siam tum mek dan sawiin, Medical College-in a mamawh zat hnathawktu lak a nih theih nan hna pawimawh \hahnem tak siam belh a ni a, hengte hi a rang thei ang bera hnawh khah tum niin a sawi a ni. Ram pum huapa doctor-te insuih khawmna, Indian Medical Association hian Medical Science lama hmasawnna tura hna a thawh bakah hriselna lama mipuite hrisel nan huam zau takin a thawk a, IMA, Mizoram State Branch-ah hian member 668 an awm a ni.
