Inrinni-a ruah sur nasa vanga tuilian leh leimin vang hian mi engemawzat an hliam a, mi 6,800-in an chenna in rauhsanin hmun him zawk an pan khawm a ni. Sipaiten chhanchhuah hna thawkin lung tla leh thingkung tlu karah ruang leh damchhuak te an dap a, mi 74 chin hriat lovin an la bo a, hliam tuar 150 vel chhanchhuah tawh an ni, chhiatna thlen nasat dan enin tuna thi zat 89 hi a pun belh rin a ni tih national disaster agency chuan a sawi.
National Disaster Agency thupuangtu Sutopo Purwo Nugroho chuan tui a len leh hlau-in mipuite chuan an chenna ina let leh loin shelter-a awm an thlang zawk rih tih a sawi a, Sorkar chuan papua-ah hian ni 14 chhung state emergency a puang a ni.
