Election Commission chuan kum 57 mi Widodo hian Vice President atana a campaign pui Ma’ruf Amin nen an tumpui kum 67 mi general hlui Prabowo Subianto leh Sandiaga Uno te chu hnehin vote tla zaa 55.5 an hmu tih a puang a ni. April ni 17-a inthlan result hi Nilaini-a puan rin a nih laiin ram chhungah mipui lungawi lovin buaina an siam ang tih hlauhna a awm avangin result hi puan hma a ni.
Widodo tumpui Subianto chuan Widodo hi dik lo taka vote thlaktu lem te ruaiah puhin thlantlin a nihna hi khinlet a tum thu a sawi a, an ram chhungah mipui lungawi lovin kawng an zawh dawn nia sawiin a vaukhan a ni.
