Indonesia Sulawesi thliarkara lirnghing leh tsunami vanga thi zat chu mi 832 an tling tawh.

0
637
views

 

Indonesia President Joko Widodo chuan ram pawn lam a\anga \anpuina leh chhanchhuah hnathawk tura dilna pawm a remtih thu a sawi tawh a, hmun tam zawkah damdawi an tlakchham \an tawh bakah hmun \henkhat phei chu la tlawhchhuah loh te pawh a awm a, hmanrua \ha leh lian a tam tawk loh vangin in chim kara tang chhanchhuah theih loh pawh an la awm nual a, thi zat hi a la pun belh zel rin a ni a, Poboya-ah chuan metre 100 -a thui thlan vawiin khan laih a ni a, mi 1300 vel phum tura inralring turin hriattir an ni.

Sulawesi khawpui Palu-ah pawh chhanchhuah hna thawh chhunzawm zel a ni a, hotel pakhat chim hnuaia tang mi 60 vel chhanchhuah tuma beih mek a ni a, hotel chim dang a \angin mi eng emaw zat an chhanchhuak tawh tih thuneitute chuan an sawi bawk a ni.

Puan tawh angin lirnghing leh tsunami hian leimin pawh a thlen nasa hle a, Sulawesi pawhtu lamlian leh lei dawhte pawh a chhe nasa hle a, kawlphetha pawh thliarkar-ah hian pek theih a ni rih lo a, lawng chawlhhmunte pawh a chhe nual hlawm a ni.