Indore khawpuia BJP MLA Akash Vijayvargiya leh Municipal Corporation Officer-te intihbuai chhan ber, building chu \hiah a ni.

He building hi Bhure Lal-a in a ni a, a neitupa hian \hiat tura tihna hi sut leh Court-ah dil mahse, Madhya Pradesh High Court chuan a hnawl sak a, a chen lailawkna ngaihtuah sak turin Indore Municipal Corporation chu a ti thung a ni. Puan tawh angin Bhure Lal-a in hi a chhiat tawh avangin \hiat turin Indore Municipal Corporation chuan a ti a, mahse Bhure Lal hian a zawm duh lo a, endik tura Municipal Corporation hotute an kal chu BJP MLA Akash Vijayvargiya chuan cricket vuakna nen a bei ta a ni. Vijayvargiya hi BJP General Secretary, Kailash Vijayvargiya fapa a ni a, man nghal a ni na a, bail-a chhuah leh a ni a, a chet dan hian sawisel a hlawh hle a, PM Narendra Modi pawhin tu fapa pawh ni se, a chet dan chu pawmzam chi a nih loh thu thawhlehni khan a lo sawi tawh a, BJP chuan a chet dan hi sawi fiah turin Vijayvargiya hi an ti a ni.