Insuarance kaihhnawih thil vanga thi anga inlantir, China rama pa pakhat chu a nupuiin a thi tak tak emaw tia amah leh a fate nen a intihhlum zui avangin Police te hnenah a inpe.

0
743
views

 

Kum 34 mi, He tia koh hi a chuanna car chesual lui pakhata hmuh anih hnuah a thi nia hriat a ni a, a ruang erawh hmuh a ni lo a, a thil tih tum hi a nupui pawh a hrilh lo a, a nupui chuan a thi tak tak nia ngaiin, an fate chu dilah zuan luhpuiin a intihlum ve leh a, hemi hnu hian He-a hi Xinhua county, Hunan bialah zirtawpni khan police te kutah a inpe a ni. September thla tir lam khan He-a hian Insurance plan yun maktaduai 1 man hu a lei a, insuarance sum hi a nupui kuta lut turin a dah a, September ni 19 khan car pakhat hawh chhuakin, thi anga a lan theihna turin a car chu lui pakhatah a khalh lut ta a ni. A chanchin an chhuina ah leiba yuan nuai 1 vel a nei mek a ni.

Tun thla ni 11 khan a nupui kum 31 mi leh a fate kum 4 mi leh kum 3 mi te ruang chu an chenna inbul dilah chhar a ni a, thuziak a hnutchhiahah a nupui hian a pasal zui tura an kal tur thu a ziak a ni.