Iran-in kum 2015 Nuclear inremna in a phal chin piah lam uranium chhek khawl a nei mek tih a sawi chungchangah US President Donald Trump-a’n Iran chu amah leh amah dinhmun hlauhawmah a indintir mek a ni a ti.

0
428
views

Kum 2015-a siam Nuclear ralthuam chungchanga Iran hrekna thuthlung a\ang hian US chu a lo inhnukdawk tawh a, Israel chuan Europe ram te chu Iran hrek zui turin nawr mahse Russia chuan US hmalakna avangin Nuclear chungchanga inremna thuthlung chu a chak thei tawh lo tih a sawi thung.

Britain chuan 2015 inremna bawhchhe zui tawh lo turin Iran hi a ngen a, UN pawhin he inremna hnuia a intiamna te chu Iran hian a hlen chhuah zel a ngai a ni a ti bawk.

Iran Foreign Minister Mohammad Javad Zarif chuan May thla khan Uranium an chhek khawl hi kg 300 chuang a ni tih a lo sawi tawh a ni.

US President Donald Trump-a hian White House-a chanchinbumite zawhna chhangin Iran chuan a thil tih a hria a, a thil tihin a nghawng tur pawh a hria a, amah leh amah dinhmun hlauhawmah a indintir mek a ni a ti.